اليوم ٤١
ابى اسوي يوقا من قلبي
احس اليوم صاير يضيع من كثر الفضاوة و انا كنت متأكدة اني من الناس اللي ماتحب تفضى و فعلا من كثر الفضاوة مااسوي شي و اعتقد هذا شي بطبيعة الانسان و عشان كيذا المينمالزم و الزهد أحيانا يعطي نتيجة مخالفة للمراد منه زي ماالكرف و كثرة الشغل تجيب القلق و التوتر و عدم الرضا .
لازم الواحد يعرف طاقته و حدودها و يتنبه لمناطق الراحة عنده و الفراغ و يستبدل الراحة التامة براحة مقننة أو الراحة إلى مايستشعر إنه ماعد يستطعمها ينتقل للحركة .
أمس أو تحديدا قبل أمس قريت مقولة في ستوري الانستقرام كانت تتكلم عن كيف إنك تشعر بالتخمة و الغثيان أحيانا من أكل كان لذيذ قبل دقايق و فعلا الكلام وااااضح و يوضح لك أشياد ممتعة تسوينها و ممكن تقلب ضدك .
ايش مخططات اليوم ؟
مدري افكر ارجع لبس لزارا و استبدله و افكر لا اخليه يم؛ن استفيد منه و انا اصلا مالي خلق للسوق .
افكر اشتري اونلاين
افكر احجز فيشيل بتيبس اند توز و هو صالوني المفضل بالشرقية ، و لو انه صار زحمة ماعاد هو زي قبل للأسف .
افكر اسوي يوقا لازيزة
و اطبخ غدا صينية دجاج بالبطاطس
جربت اقدم وظيفة جديدة ماادري لو هو شي كويس بسويه بس ودي بروتين ، يومين بس من الإجازة و عرفت إن الفراغ شين و سيء و احتاج املي وقتي من جديد .
في فكرة جديدة اليوم طبقتها و هي اني احدد ساعة كاملة لشغل البيت تشمل الغدا و باقي الوقت مااسوي شي بشغل البيت بس تحمست و زادت عن الساعة تقريبا و حسيت بالإرهاق طول اليوم زيادة على اني طلعت موعد اسنان لي و لشادن عشان نشيل واحد من الاسنان اللبنيه عشان نسمح للي للأسنان الدئمة بالظهور .
رجعت المغرب و نمت بدري قبل الساعة ٩
تعليقات
إرسال تعليق