اليوم ٣٤

اليوم عندي موعد بالمستشفى اسوي فحوصات على الساعة ٣ و قبل عندي موعد بديكير منيكير لي و لبناتي .
وصلت موعد الأظافر متأخر و حسيت انههم راح يتأخرون علي فقررت اطلع و اجدوله بوقت ثاني لإن خايفة يضيع موعد المستشفى و هو الأهم ،طلعت من السبا و كان جنبهم مطعمي المفضل اللي هو فرشي و بشكل شبه يومي اطلب منهم سموثي و كرات الطاقة حاجة لذيييذة جدا و انصدمت من تعاملهم صراحة كان فوق الوصف طلعت من عندهم و فعلا لما اححد يقول لك صنعت يومي هذا الإحساس اللي حسيته لإن مع بناتي كثير اتعرض لمواقف بايخة مع ان بناتي جدا مؤدبات و لبقات جدا بشهادة الجميع الحمددلله، من التجارب السيئة اذكر مرة لقيت صالون اظافر في مجمع أمواج و كان الوقت الساعة ٢ الظهر يمكن و المول فاضي و الصالون مافيه احد الا العاملات و موظفة الاستقبال و أول ما دخلنا شرحت لها ان بناتي بيسوون اظافرهم معايا و  فاجأني ردها كان من أوقح مايكون كانت تقول خليهم يجلسون عند الباب ،،شدعوه اخلي بناتي عند الباب!
و اذكر قلت لها شكرا لا طبعا ماجيت ادفع خمسمية ريال عشان اخلي بناتي عند الباب والله لو مجانا ماخليتهم شدعووه بناتي مو قطوة!
عشان كيذا صرت أقدر المواقف اللطيفة و المعاملة الحسنة واجلس ادعي لهم لإن فعلا غير مزاجي و حتى لما وصلت المستشفى الدكتور ألغى موعدي و انزعجت شوي بس الحمددله حصلت دكتورة ثانية و دخلت عندها و طلبت لي تحاليل بسيطة و قالت احتمال ان هذا الإرهاق من قل النوم اللي أعاني منه مؤخرا و قالت جربي تعدلين نومك و نامي كويس و راح تشوفين الفرق بإذن الله .
بعدها طلعت للظهران و اشتريت بجاما ميكي ماوس و سليبرز و دائما البجاما الجديدة تفرح قلبي مرررررة .
و اخذت تشيز كيك ياباني يحبه مهند و تقوينا فيه بالبيت و حاولت انام بدري على الساعة ١٢ أو ١ يممكن