هاجر

يوم عادي جدا قضيته في االبيت . سويت اليوقا الصباح بس شكلي قسيت على نفسي ، اخترت يوقا سهلة عشان امس سويت كلاس في استديو اليوقا و اللي يكون اطول من باقي الايام بعشرين دقيقة. بس قلت لو وقفت يوم بوقف الأيا اللي بعدها و على الأقل دام قدرت استمر على عادة ابى التزم فيها . نمت الصبح و قمت اخر الظهر ، نومة طويلة دا و اعتقد انها بسبب كلاس اليوقا العظيم اللي بالمركز :) سويت كوكيز لأن إيلاف طلبته مني أمس و تقهوينا لما جا ابو شادن . العشا قررت اسوي عشا خبز بصدور الدجاج والفطر و سلطة البيستو وكينوا و جرجير كان كولكشن لذيذ مره بس بعدها ماكان عندي شي اسويه ،غسلت الحمامات، رتبت المطبخ بس:(

طبعا كانت البداية من كلاس اليوقا واسمه اريل كلاس و لأول مرة احضره، كان كلاس خورافة و عظيم جدا نزلت منه بأحساس عالي ، أصلا في أثنا الكلاس كنت احس اني محلقة و أطير ، احس امنيتي بالطيران تحققت :) تذكرت و احنا صغار لما كنا نلعب بالمراجيح إحساس جدا رهيب أخذت فاصل في الكتابة. بدأنا بالتحليق في الكلاس و انتهينا بوضعية الشرنقة ، إحساس مذها مااقدر اوصفه .  و جلست اسولف مع كم بنت ، النقاشات مثرية و رائعة دائما في مركز اليوقا لأنك تقابلين ناس كلها عندها الاستعداد لمرحلة التغيير و التقدير و حب النفس و حب الأخرين ،و هاذي صفات مو بسهولة تلقينها في أي مجتمع اخر . و انا اسولف دق جوالي و كانت الميؤولة بالألعاب اللي كانوا فيها بناتي و قالت لي انو بنتي الصغيرة تبغاني و اصلا انا كنت رايحة لهم اوريدي و مريت عليهم بس شادن قررت انها تبى تكمل لعب و رحنا تغدينا انا و ايلاف في مطعم اسمه اوبريشن فلافل لذيذ جدا و ريحة الخبز تطغى على المكان بطريقة حنونة . بعدها رجعنا البيت بس فعلا كنت احتاج هاذي الجولة الخارجية و لاازال اظن ان الاكتئاب اللي مريت فيه مؤخرا بسبب هذا الانغلاق اللي فرضته على نفسي . التزمت

اليوم اكتشفت اشياء كثيرة في نظامي الحياتي  صراحة اكتشفت ان تأثير السوشي ميديا إيجابي اكثر مما توقعته و محفز لي في الحياة بشكل عام ( إذا نظفت لستة الفلويننق و انتبهت بوعي للسته اللي تتابعها ) راح تلاحظ الفرق. أمس كان يوم مأساوي جدا بالنسبة لنفسيتي ، كان كله نوم و كان فيني خمول و مالي خلق لأي شي غير ساعة اليوقا الصباحية ، لسى النوم سيء جدا لكن بحاول و احاول ، طلبت منوم ثاني من ايهيرب و ان شالله مايسبب لي حساسية او يتعب معدتي زي الأدوية اللي قبل . بس راح استمر يومين في الابتعاد لسبب بسيط و هو اني ابى اعالج موضوع الاكتئاب من الداخل ، أمس الظهر كنت مقتنعة انو جنتي في قلبي :) لكن ماجا المغرب ألا و أنا نايمه و النوم هذا مو نوم طبيعي ، هذا نوم الاختباء من الواقع . و لاحظت اني بكلف نفسي بأشياء أنا مو مقتنعة فيها مرة بس مثلا افكر و اقتنع علطول و ابدا احطها من الاهداف زي مثلا فكرت اقطع الكافيين مع اني قطعتها من قبل و مالاحظت اي تأثير على نومي بس شوي لاحظت انو معدتي اعتفست بعد القهوة الصباحية و أصلا هي معدتي معتفسة اوريدي و قررت كيذا بقرار مزاجي اني اقطعها و عشت امس على سوادة اليوم ، صداع

أمس كان يوم مأساوي بالنسبة للأكل و الهضم عندي ، تعلمت منه درس قاسي و راجعت تاريخي للأكل و الغذاء و الهضم. من الطفولة كانت تعورني بطني لأتفه سبب ، و اهلي يقولون اني أصبت بالتهاب في الأمعاء شديد و عمري أقل من سنة ،أمس لأول مرة انتبهت إن علاقتي مع الأكل علاقة مضطربة جدا و لازم تهدأ العلاقة ، يمكن لأن أحيانا ودي أصير صحية بزيادة و كثير من الأكل الصحي يأذي بطني و يصعب عملية الهضم . أمس الشوفان و التمر كانوا سبب في توعك الهضم عندي ، ولاحظت ان الخبز و التشوكليت مايأذون بطني عشان كيذا علاقتي معهم قوية للأسف :) الليمون و الخل و الشوفان و التمر و البيض و الفلفل الأسود و السبايسي و اللحم و البقوليات بأنواعها و الحبوب ماعدا الكينوا و الرز الأبيض و المكرونة البيضا طبعا ، الخبز الأسمر الحليب حاجة مؤذية جدا و عشان كيذا مااحب اشرب كابتشينو أبدا . لما سافرت ايطاليا شربته و جلست طول السفره مو قادرة امشي و ماكنت مدركة إلا باخر يومين للأسف أيضا. و المكسرات بجميع أنواعها . أدري امتلك معدة و أمعاء انتقائين للأكل :) أنا جدا متأسفة من نفسي ، كيف انسان أوشك على بلوغ الثلاثين ما يدرك الغذاء المناسب له و ي

أتمنى إنه يكون البداية الفعلية للروتين الجديد، لي أكثر من سنة في محاولة بناء روتين متكرر و ترتيب ساعات النوم . اتذكر قبل اتخرج من الثانوي يعني قبل عشر سنوات تقريبا، كان صعب جدا اسوي شي عكس الروتين ، و كان طبيعي جدا أنام و اصحى في نفس الساعة كل يوم لمدة شهر يمكن . الحين و لا يوم نفس ساعة نوم اليوم اللي قبله أو اللي بعده و للأسف أنا تعمدت تخريب الروتين في البداية و مع الأطفال و خصوصا في السنتين الأولى من حياتهم يكون النوم متقطع بالإضافة إلى جيناتي السيئة في النوم . ثاني شي ابى اركز عليه و هو اليوقا الصباحية سويتها اليوم و لخذت بريك ٥دقايق يمكن أو أكثر ، نومي اليوم اللي قبل كان كله نهار و لما جا الليل اضطريت اخذ بنادول نايت و نمت من ١١ونص الى ٣ و هو شي جيد نوعا ما . ثالث شي و هو الأكل و صح قدرت التزم بأكل نباتي تسعين بالمية بس ماقدرت اتحكم بشهية الأكل يمكن لأن مو عارفة ايش اكل بالضبط بس بحاول ارتب جدول الأكل في الأيام القادمة أكثر ، أحس مشكلتي في الفطور و السناك ، معاملتي للفطور خاطئة و للسناكات أيضا. بحاول ادخل شي يساعدني بس ماادري ايش هو يمكن خبز . رابع شي أحاول اركز عليه هو تع

أمس طلعنا تغدينا بمطعم جديد بالخبر ،كان مفترض إنه مطعم إيطالي بس طلع بتاع كلوه:) كان الأكل لذيذ طلبنا بيتزا و روزيتو و مكرونة و للأسف كان فيهم جبنة و كريمة بس قررت اتساهل مع أول يوم فيقن و اعتبرها مسموحة ، أكلت شوفان مع تمر الصبح . ما كنت راضية تماما على اكلي بس تعتبر بداية جيدة لأن اليوم ان شالله بتوصلني طلبية الدانوب و ان شالله تكون الطلبات متوفرة . طلبت كينوا و فواكه ،احس مشتهية اسوي سموثي . حاولت ماانام في النهار ابد عشان اقدر اعدل نومي مساد بس للأسف نمت الساعة ٥العصر و انا اشوف فريندز . صحيت الساعة ٧ المغرب صليت و شربت اسبرسو وون شوت و كملت اشوف فريندز . اليوم الثاني من الروتين الجديد و من الابتعاد عن السوشل ميديا انستقرام و سنابشاات ، بالليل ضعفت و حملت سنابشات عشان كنت ابى اتطمن على اهلي بعدين حذفته و راح اسمح لنفسي اسوي هالحركة من وقت لاخر لإن المهم هنا هو تقليل التشتت و محاربة الإدمان مع إني جدا مستمتعة مؤخرا بالانستقرام و أحسه يبسطني . اخذت بنادول نايت عشان يساعدني على النوم مساء و اعتقد راح يكون رفيقي هذا الشهر الى مايتعدل نومي بشكل طبييعي لإن قررت اتخذ قرار صارم تم

في الواقع أحس اني فقدت مهارة الكتابة مؤخرا و صراحة غياب الروتين هو السبب الرئيسي أو بالأصح الروتين المنجز أو الهيلثي روتين لإن بطبيعة الحال في روتين لكنه سيء جدا ، أوقات النوم مو محددة و وقت الأكل برضوا ، الأكل الصحي مغيب و النوم الكافي كمان . بصراحة راح استميح نفسي عذر لأن الأيام الماضية ما كانت سهلة أبدا . خلصت اختبارات الصيفي و كنت منشغلة جدا بموعد عملية اخوي الصغير و اللي كان شي جدا صعب علي بس الحمدلله العملية نجحت و هو الحين في مراحل التشافي بإذن الله و بدأت الأيام ترجع لطبيعتها . الشي اللي راح اسويه الحين بإذن الله إني راح استمر بكتابة اليوميات هنا لمدة ثلاثين يوم مع الالتزام باليوقا الصباحية للثلاثين يوم أيضا و التزم أيضا بترتيب روتين النوم عندي. و ودي مرة أراقب أكلي لأن وضع وزني و صحتي بشكل عام مو مرة و ممكن يكون أفضل لو دخلت الفواكه بشكل أكبر >أفكر في اني التزم بنظام نباتي للثلاثين يوم القادمة لكن متحيرة ، سبق وجربته لثلاث أيام و كان جدا سهل فقط مشكلة الإمساك كانت مأزمة لكن ممكن هاذي المرة يكون جيد معاي ، و أنا هنا لو التزمت بالنظام النباتي فقط من باب التجربة و ليس من

كان يوم عصيب ،مانمت من الساعة ٢الظهر اليوم الفايت..و كنت مواصلة لأني رافقت أمي لعملية أخوي اللي عمره ثلاث سنوات و نص و كانت عملية قلب مفتوح ،فكان الوضع مأساوي شوي. صارت أشياء رهيبة و أشياء مرعبة ،سمة اليوم كانت التوتر والحسنة بوضع الشدة إنها تقوي حسن ظنك بربك و تعلمك صادق  الناس من كذابها.  مؤخرا صرت أقدم نظريتي الخاصة في التعامل مع الناس