اليوم الواحد و عشرون

نمت نوم عن ألف سنة ،كان نوم مريح بالبداية و بعدها تحول إلى كسل :)
كنت اصحى و انام بشكل متكرر ،صليت الفجر و صحيت شادن ، و انا انتظر اتصال السواق نمت بعدين ابوها وصلها و نسيت انبه السواق انها راحت المدرسة و هي تأخرت الظهر مانزلت بدري و بالصدفة قلت اتصل عليه لإن الجو كان غبار جدا و ماينطاق و اتفاجأت انه ماشالها من المدرسة و كانت الساعة وحدة ونص،لبست عباتي و رحت جبتها مع انه قالي برحع لها بس خفت يتأخر و أيلاف قالت لي بجلس عند التلفزيون ياماما لاتخافين علي ماابى اروح ، صراحة لولا الغبار اللي برا كان شلتها بس حسبت حساب صدرها و الوقت و استودعتها الله وطلعت و أساسا المدرسة تبعد خمس دقايق روحة و رجعه و الحمدلله حصلت المدرسة مليانة بنات و شادن جالسة تسولف عادي مع صاحباتها .

الجو جدا مزعج و الحمدلله غبار برتقالي و قوي. شغلت المكنسة و رتبت المكان و حاولت انفض شوي من الغبار لإن مزعج احساس انك تمشين فوق الرمل و حولك رمل و من سوء الحظ انحرق علي السلمون اللي على الفرن و مااقدر اوصف كمية الدخان اللي صارت و ريحة الشوي وصلت المريخ .

و حطيت موية تغلي و شغلت المكيف على تلطيف الجو و بخور و شموع و لبست ايلاف كمامة في محاولات لاحتواء الريحة .

تغدوا البنات و طلبت لي عصير بس ما شربته للحين لإني لابسة قالب تبييض لأسناني استعدادا لروحة الرياض  بكرة ان شالله ، الله يتممها على خير .