هاجر

اليوم اعتقد هو سابع يوم من شوال انتبهت لوضوح نصف القمر امس لما جيت انام و استغربت من سرعة مرور شوال من. مان ما كتبت مذكرات او فلسفيات لكني عموما بصحة نفسية افضل و امارس العادات اليومية دانتظام من عشرة رمضان اعتقد يوم العيد دائما يبدأ من ليلة العيد قررت قبلها بكم يوم اطلع اشتري بجاما العيد من اويشو . و فعلا اشتريت بجاماعليها ورود صغيرة صفرا و زرقاء و شادنقالت لي انو شكل النقش مثل جلال صلاة امي :( و للاسف كانت صادقة لكنها بجامة ناعمة على الجلد و مريحة. بعد ما خلصنا فطور الثلاثين من رمضان و اللي كان عبارة عن باستا بصوص ابيض و بسبوسة الحليب. صار وقت تنظيف البيت بعمق ، خلصت الحمامات و شغلت المكنسة و البنات اخذو شاور و القطو سوينا له شاور الصبح  كمان و غيرت المفارش الصبح عشان اخفف الشغل سوينا لعبة البحث عن الكنز و الصراحة مهند كان متحمس اكثر مننا :) جبناهداياللبنات نفسهم فيها من زمان و خبيناها و كان لازم يجاوبون على الاسئلة عشان يطلع لهم جزء من الخريطة و بعدين يجمعونها و يطلع مكان الهدية و مرررة تفاجأو و حبوها الحمدلله . و بخرت البيت و اخذت ساور على الساعة ١٠بالليل و تقهوينا مع

دائما لما اجي اكتب في المدونة اكون مرتاحة ان محد يقرأ لي ، و لكن لما افكر بجدية بأني انشر كتاب أو رواية يراودني الخوف بالطريقة المعاكسة ، أخاف محد يقرأ لي:) كثير من الهوايات اخاف من تعلمها بس بسبب الخوف من الفشل و الخوف ان محد يقرأ لي أعتقد انه يندرج تحت شكل من اشكال الفشل ، الفشل في تقبل الناس لعملك ، حتى الفشل المادي . و لهذا دائما انا اهرب من اتقان الأشياء اللي احبها ، اهرب من تعلم الكتابة و تعلم اليوقا  و حتى تعلم القهوة ، اخاف تحت مسميات ثانية غير الخوف . اخاف تحت مظلة خلاص اعرف و فاهمة و أحيانا يكون العذر منطقي تماما زي مثلا اشتركت بدورة قهوة الشهر القادم ، سعرها مرتفع بعض الشيء و لكن اشعر انه بيأسسني و بتعلم بإذن الله بس يجي صوت الخوف يقولي مجال القهوة متشبع جدا و مستوعبينه الناس كويس. للحين أنا ماادري هل خوفي في مكانه خصوصا ان المبلغ نوعا ما غالي . و كمان كنت اسمع بودكاست لهيفاء صاحبة مدونة قصاصات تتكلم عن مواجهة الخوف و شعور الفيبو و كلام جميل و كان في نقطة حفرت في مخي لما قالت ان لما تخاف من عمل ما اتخيل اسوأ شي ممكن يصير لو سويته، و لو كان ماراح يقتلك و يتسبب لك بالموت