اليوم ٣٦

صحيت ١١ شبعانة نوووم مو مرة احس بس زخاف يخربط على نومة الليل ، أحس صرت مرعوبة من كلام الدكتورة عن قلة النوم و كيف ممكن يأثر بطريقة أو بأخرى.

شربت اسبرسو مع بسكويت ويفر و غسلت الملابس و افكر اغير مفرش السرير و اشغل المكنسة و ابى اقرا لبناتي قصة لاحقا .
احس جوعانة و ودي اذاكر لإن بكره عندي اخر اختبار و جاني خبر حلو اليوم الحمدلله دقت امي ان اخوي راح يطلع من المستشفى بدون مايحتاج عملية و الحمددلله ممكن لاحقا بس فور ناو الحمدلله .


ذاكرت و طبخت غدا اشتهيته من قناة وحدة صينية على اليوتيوب.
و سولفنا شوي انا وبناتي ،اخترعوا تسريحات شعر جديدةبما إن شادن قررت إنها راح تصير فنانة شعو:) بالإضافة إلى مديرة :)

أنا و مهند مرات نزعل على بعض بسبب أشياء جدا سخيفة و غالبا يوم الأربعا أكون وصلت مرحلة الإكتفاء من شغله و لإنه ينغمس فيه لكن مو هنا نقطة الخلاف ، نقطة الخلاف كانت إني كنت انتظره لما يطلع من شغله عشان اطبخ و يطلع الأكل فريش و حار و اتصلت عليه و قال إنه قريب جدا من البيت و على الرغم من إني حطيت الغدا على طاولة الأكل لكنه ما طلع البيت إلا بعد نص ساعة أو أكثر و هذا لأنه قرر يخلص شغله في السيارة ، طبعا زعلت صح شي سخيف بس كنت احتاجه على طاولة الغدا كنت متحمسة إني طبخت و إننا نجلس ناكل مع بعض و نحكي :(
 جدا أحبطني و هو من النوع اللي إذا حس إنه زعلني يتكور على نفسه و مايعرف يصالح و عشان كيذا أحاول اراضي نفسي بنفسي لإن أعرف إذا زعلت راح ياخذ مني مجهود كبير إني اتخطى هالمرحلة و فعلا جلست في مرحلة الزعل إ لى الساعة ٩

و بعدين شربنا بيرة و شفنا فريندز و حاولن اكمل مذاكرة
و قالت لي شادن إنتي أفضل أم ي ماما و كتبت لي رسالة علقتها على الثلاجة و لا شفتها إلا متاأخر . راح اصورها و احطها هنا بإذن الله.

كلمت أختي ريانة على الساعة ١٢ و نمت على الساعة ٢ لإن ذاكرت شوي قبل أنام .
أحس متخوفه من اختباري هالمرة مررررة الله يعديه بخير .