هاجر

المرات الأخيرة أحس بحاجة غريبة و ملحة للاعتذار لنفسي و الحقيقة أنا مااعرف عن ايش اعتذر بالضبط ! لكن هاذي الحاجة خلتني افكر بالعكس و هو إني اقدّر نفسي و التجارب اللي مرت علي بدون ما اضخم مشاعري تجاهها. بدلا من اني استمر في الاعتذار و الطبطبة الوهمية أوجه هاذي الطاقة لحل المشكلة من الأساس، أعتقد بيكون أفضل . الأسبوعين الماضية ما دونت فيها ، كانت أيام صعبة نوعا ما ، بنتي الصغيرة تعبت و تنومت بالمستشفى و كان عندها ارتفاع مخيف في درجة الحرارة بسب الالتهاب و الحمدلله الحين هي أفضل و رجعنا البيت بعد ما تنومنا ستة أيام . كانت أيام ممحصة زي كل الأيام الصعبة اللي نمر فيها و تنقلنا من المحطة أ إلى المحطة ب و يتولى الناس من حولنا ترتيب نفسهم في هذه المواقف الصعبة و نعيش بعدها سنوات على علاقة معينة تحددت في الوقت الصعب. الحمدلله إنها عدت . من طلعنا من المستشفى من خمسة أيام تقريبا و انا اكنس بيتي و انظفه و اغسل الملابس بشكل يومي و لسا احس بيتي مااستقر ، و كمان امس حاولت اكمل اغراض الثللجة لأن ودي اكمل الشهر طبخ منزلي تعويضا عن اكل المطاعم و اكل المستشفى اللي بدون طعم حقيقي:) نفس اسوي وجب