اليوم. ٢٧
قمت مكسلة الفجر و وديت بناتي و رجعت نمت إلى قبل وقت طلوع إيلاف بدقايق ، صحيت بصعوبة و أخذت شاور و طلعت اجيب إيلاف و بعدها تقهويت و شربت سموثي ، في الواقع ماكملت قهوتي لإن تعودت على جو أهلي بالرياض و القومة المتأخرة و وضعية الإجازة عايشة بمخي لسا.
انتظرنا شادن تجي و جلسوا بنات يشوفون نتفلكس أفلام كرتون بالصالة و انا جلست اتصفح مواقع التسوق عشان افكر اطلع السوق العصر لإن عندي بموعد بمستشفى بروكير اللي هو جنب الظهران مول .
و بعدها ذاكرت لشادن اختبار لغتي و نامت و هي تحاول تحل باقي الواجبات و انا قمت اكمل تنظيف البيت .
بالمناسبة الفترة الأخيرة صرت مااطبخ غدا لإن أبو شادن يتغدا بالدوام و احنا ناكل وجبات خفيفة أو نطلب برقر :)
و انا ارتب البيت يدق جوالي و يتأجل موعد بروكير فقلت مافي داعي اصجي بناتي عشان نتسوق و قررت اتسوق اونلاين للعيد .
و جا أبو شادن على الساعة ٧ العشا و طلبنا برقر و تقهوينا و شفنا فريندز و كملت مذاكرة لبناتي و شربنا بيرة :)
الحين كل البت نايم بس أنا اكتب هنا و افكر اذاكر و احل الأسايمنت بما ان لسا مافيني نوم :)
تعليقات
إرسال تعليق