اليوم ٣٥

الثلاثا
عندي اختبار E
و وصلت مرحلة التشبع و المالي خلق مع اني صحيت ٥ ونص
سويت شعر شادن كيرلي بالفير عشان عندها حفلة في المدرسة و قلت تنبسط و شالت معاها باقة ورد هدية لمعلمتها ،
و جلست انظف البيت حاولت اخذ غفوة بس ماقدرت اغمض ، و كملت الغسيل و التمسيح و تجهزت بدري عشان اختبار ١٢ و طلعت من البيت ١١ و مريت شادن استأذن لها و تأخرت مرة مانزلت من الفصل إلا الساعة ١١و ٤٥ دقيقة و السواق ينتظرني و ضغط قبل الاختبار جدا توووتر على الأخر .
وديتهم الحضانة و رحت الجامعة و دخلت الاختبار و انا جوعانة و فيني نوم و ابى اصلي ، كان جدا صعب صراحة ماتوقعته كيذا مع اني شاطرة في الريدينق بس النموذج حقي كان فلسفي مرة و انصدمت ان فيه برقراف و انا ما كنت مستعدة له أبدا بس الحمدلله عدى و رجعت أخذت بناتي من الحضانة و زحنا تغدينا في ماك مع إني مااحبه أبدا بس قلت أغير جو بناتي و عشان يلعبون .
و مريت الدانوب و اخذت صابون غسالة الصحون و تشوكليت و بيضة كيندر طبعا و رجعنا البيت .

كان فيني خمول مو طبيعي و تعب و إرهاق على الأخر و  قلت ماراح اسوي أي شي و سوى مهند اسبرسو و تقهوينا مع براونيز ذا كاتس مطعمنا المفضل حاليا .

اخذت شاور دافي على الساعة عشرة عشان استجلب النوم بس مهند جاب بيرة باردة و منعشة جدا لدرجة طيرت النوم :)

حكينا شوي و نام و انا جلست استجلب النوم شوي احط مخدة تحت ظهري ،و ثانية تحت رجلي و اتقلب و بعد محاولات غمضت عيني و سمعت كحة لوحدة من بناتي و فزيت حسبت شوشو تكح و لا تعبانة و قمت ركض على غرفتهم وحضلتهم نايمات تماما مدري هو في احد كح حقيقي و لا كنت احلم .

بعدين نمت الحمدلله و صحتني إيلاف الساعة ٥ و صليت الفجر و رجعت نمت و أنا فرحاااانه مرره إن مافي مدارس و أول يوم إجازة فعليا .