اليوم ٤٤
صحيت ١١ ونص الظهر و يبدو اني راح اعتمد هذا التوقيت لرمضان بما إنه قريب الله يبلغنا إياه بخير ، صليت و سويت يوقا عشر دقايق و ان شالله ناوية استمر على هذا الروتين لرمضان بإذن الله ، اسوي يوقا عشر دقايق تريح جسمي و تخليني أحس فيه أفضل من يمر اليوم بدون أي حركة :)
ننظامي الجديد بالأكل تحت السيطرة و الحمدلله ،احاول اكل طبيعي بس أقل من العادة و توزيع الأكل يكون وجبتين و سناكين كل وجبة تقدير الكالوريز ٣٠٠ و السناكات تقديرها ١٥٠ الى٢٠٠ كالوريز .
ابي اسوي فوتوشوب لكم صورة ،تعديلات بسيطة في الدقة و الوضوح .
و ان شالله اليوم يجون الجمعية الخيرية يشيلون أكياس الألعاب لإني صفيت غرفة بناتي و معاها وحدة أدراج انكسر درجها ، اتمنى يجون عشان يفضى المكان و لا ودي ارميها بالشارع مع ان حتى بالشارع احتمالية الإستفادة منها واردة بس أحس بالجمعية أفضل .
ابى اغسل الحمامات ، شغله بسيطة ما تاخذ عشر دقايق بس دايم أأجلها و اليوم ماعندي شغل غالبا لأن خلصت الغسيل أمس و البيت نظيف على الأغلب ممكن اغسل أرضية المطبخ ممكن!
ماابي اطلع مكان اليوم ابى اجلس و استمتع بالشمس في صالتي و اشرب لي كوب قهوة مع غروب الشمس
هلو من جديد ، تغدينا برقر و حاولت اختار مطعم أرخص لإن ودي اقلل صرفياتي لأسباب كثيرة .
حكينا أنا و بناتي . إيلاف شربت قهوة عربية معاي و بعدين جت شادن و قرأت لي قصة قراءة مؤثرة زي ماتسميها هي و تعني القراءة بتعابير وجه مؤثرة و إلقاء جيد .
تعليقات
إرسال تعليق