اليوم الثاني
ماعندي شغف الكتابة بس فكرت اني امس كتبت اليوم الأول فقلت ع الأقل عزيمتي تكون أقوى من يوم واحد فقط و تحمست ،اتمنى ان يدوم الحماس لأني احتاج اكتب و اوراق الصباح للفضفضة فقط .
اليوم جدا جميل بسيط رتبت البيت نزلت ملابس الشتا ،بناتي اخذوا شاور و سويت حبتين ساوردو واحد لي و الثاني ارسلته و كنت اتمنى اني بإرسالي لخبزة انشر الفرح .
الفجر اكتشفت ان ماعندي خبز توست والمفضل لفطور ايلاف للمدرسة فقررت اسوي لها بان كيك و عين مفتحة و عين مغمضة و احتفظت بالخليط بالثلاجة ،شادن اما صحت سوت لنفسها و كانت فخورة مرة بنفسها و انا كمان فخورة فيها انها قدرت تسوي لنفسها فطور مع ان كانت النية اطلع انا و اياها نفطر برا لا لان دراستها اونلاين و تحتاج تغير جو .
الحدث المميز لهذا اليوم اننا نظفنا مكيف غرفتي و شغلناه لأول مرة بعد الشتاء،كان يوم صيفي مفاجأ.
سوينا الغدا ساوردو و حشيناه تونه مع طحينة و ليمون و ملعقتين زبادي مع طماطم و زيت زيتون ودبس رمان ،الطعم كان ألذ مما تخيلت و تقريبا هاذي اول مرة نتغدا ساوردو .
صبغت شعري و يارب انها تكون آمنة .
قررت اني مااذاكر و لا افتح شي يخص الجامعة و استمتع بيوم ويك اند يتيم لأن بكرة بجهز اسايمنت مادة البيزنس بإذن الله .
تعليقات
إرسال تعليق