اليوم العشرون

مذكرات أمس
ايش سويت ؟
ماراح احكم عليه لكن فيه أشياء انجزتها و في أشياء ماكان مفروض تصير
مثل إني  صحيت و ايلاف تعبانه و قررت اوديها الدكتورة بعد مااروح الجامعة و طبعا غيبتها و شلتها معاي الجامعة و لما وصلت طلع الملاس متكنسل ،هاذي اول صدمة مرة تضايقت و نظام الجامعة عندنا مزعج في الطلوع قبل الساعة ١١و هي مانت تقريبا الساعة عشرة و دخلت في دوامة لإن وقت ماكنت اوقع على الخروج و السواق ينتظرني كانت إيلاف تبى تروح الحمام:)

وديتها العيادة و كتبت لها بخار و عشان انتظر موافقة التأمين قلت امر البريد السعودي جنبهم عندي طلبيات من موقع علي اكسبرس من شهرين تقريبا و لقيت اغلبها رجعوه و الشحنة اللي باقي ماحصلها.
رجعت المستوصف و طلعت الدكتورة ما جت و رجعت البيت.
جا ابو شادن بدري لإنه كان تعبان شوي و مصدع و طلب لنا بيتزا و طلعنا العشا نجيب جهاز البخار من المستوصف و مريت العثيم لإني ابى الخبزة بالكريمة اللي امس اكلتها و قبل امس ،صراحة إدمان لذيذة جدااا
 بما اني تأخرت في كتابة الدايري فبمنع نفسي من الفلسفة 

تعليقات

إرسال تعليق

المشاركات الشائعة من هذه المدونة

اليوم ال٢٣

صورة
اليوم الأول في الرياض صحينا ١٠:٥٨ طبعا شفت الساعة اول ما صحيت و متأكدة من الرقم. شادن أصرت انها تقوم و تروح عند اخواني و كنت خايفة انهم لسا ما صحوا عشان كيذا اضطريت أقوم و لا كنت ناوية اكمل نوم. إيش سوينا أفطرنا أنا و أمي من خبز الكريمة مع شاهي  و سولفنا شوي و كلمت صديقة لطيفة لي بالرياض و فجأة اتفقنا نتقابل بحياة مول و رحت أنا و شادن و إيلاف و اختي وجدان، رعت بناتي فعلا و خففت عني كثير،في كثير من الأوقات حسيت بخفة الطلعة لإن بناتي كانوا مع أحد أنا اثق فيه . غير فكرة التسوق مع صاحبات فاهمينك جدا مريحة. رحت انا و صديقتي و صديقتها لمقهى إيطالي جميل و طلبت تيراميسبو و صديقتي اكتفت بتمر جابته من بيتها (صديقتي هاذي بالأساس زوجة صديق أبوي) و نشأت علاقة طيبة بيني و بينها من انا بالمتوسط و اذكر بزواجي جابت لي هدية صينية كبيرة تشوكليت لذييييذة لدرجة اني اقتت عليها بشهر العسل :) احب العلاقات الغير متكلفة اللي يكسبها الحب و الود حتى لو كانت الأفكار مختلفة و التوجهات و كمان دعمتني بشغلي دعم رهيييب ،ممنونة لها و وقفة إجلال لكل علاقة مثمرة في حياتنا لكل علاقة خفيفة على القلب تتذكرها و تدع
قراءة المزيد

اليوم الخامس

صورة
الساعة ٤:٥٣ فجرا من يوم الاحد يُفترض إن هالمذكرات انكتبت أمس و بما اني مانمت للحين فتكنيكلي اليوم ماخلص :) كانت بداية اليوم حلوة مع اني مانمت الا الساعة ٩ الصبح و قمت الظهر و بما اني اعاني من مشاكل في النوم مؤخرا فهذا الوضع طبيعي عندي، صحيح مؤذي لي بس إذا شلت همه يزيد الضغط علي.. تقويت و سولفت و خيطت فستان لدمية شادن و لأول مره اسويها و كانت تجربة ممتعة و كانت شادن تطالعني بطلة العالم و و خضنا نقاشات ممتعة زي ايش الأشياء اللي تبى تسويها اذا كبرت ،تبى تصمم ازياء و تصير معلمة و طبيبة و قلت لها ان لاحظت انك انبهرتي بطريقة بناء اثراء امس لما رحنا السينما و ان في تخصص اسمه هندسة معمارية و اعجبتها الفكرة لكنها لاتزال مصرة على معلمة و هذا من تأثير معلمتها الحالية لجمال و رقة تعاملها معاهم ، بس ايلاف كانت متأكدة انها واح تصير دكتورة بارعة :) بعدها جلست اذاكر لان بكره عندي ميد تيرم وسويت غدا مكرونه و بعدها طلعنا لولو هايبر لأغراض البقالة. بس على الصعيد النفسي و بما ان مشاعري اليومين هاذي حساسة بسبب نقص فيتامين د ، فاليوم صار معاي موقف فعلا جرحني، و من زمان ماحسيت بهالاحساس لإني صرت
قراءة المزيد

مصيدة الأفكار

أمس شفت مقطع باليوتيوب و كانت أفكاره مسمومة حقيقي. كنت مشتتة منه بس الحمدلله انو انتبهت انها ماهي أفكاري ، أحيانا ماانتبه انها ماهي افكاري و بالمناسبة مع كثرة المعلومات اللي نتعرض لها يوميا مااعرف في أحيان كثيرة إذا كنت أنا أصلا مؤمنة بهاذي الأفكار أساسا أو حتى من وين جتني الفكرة أساسا؟ من وين تجينا الأفكار؟ لو كان مصدر الفكرة خارجي كيف نعتنق الفكرة حتى لو كانت مخالفة لأفكار سايقة عندنا مثلا كيف أقدر أميز بين صوتتي الحقيقي و فكرتي أنا و صوت غيري ؟ كنت مشتتة لوقت طويل صراحة لأني مدركة تماما ان الفكرة عمري مااقتنعت فيها بس كيف بدأت مؤخرا اسمعها كثير و بديت امشي الفكرة أعلاه و اعتبرها عادية مثلا في المقابل كانت فكرة بغيضة سابقا! وحدة من اكبر الأغلاط اللي ترتكبها في حقك لما تحاول تكون منفتح و لما تحاول تتقبل اختلافات الناس ، ممكن تطيح بغلطة فظيعة و هي انك تصدق و تؤمن بفكرة ماهي حقك! مو كل الأفكار لازم تتقبلها ، في أفكار كثير مسمومة في الحياة و نسمعها كثير و نتقبلها بدون ما نفلترها و نعرضها على مخنا . في مصدر ثاني اعتقد انه داخلي و هذا مايعني انه بدون تأثير خارجي ، إنما التوص
قراءة المزيد