حب
من زمان ماحصلت يوم بهذا الشحن للطاقة، اعتقد من سفرة هولندا يمكن ..
طلعنا بعد صلاة الجمعة للخبر بدون هدف واضح و فجأة حصلنا مجمع مطاعم جدديييد فتح على البحر ،
كان المكان جميل فيه صوت موية و الجو يساعد و مو زحمة مررة بس فيه حياة .
المهم تغدينا بمطعم صيني لذيذ اسمه بي اف تشانغ و قد شفت له فرع قبل بأفنيو البحرين و بالرياض بارك بس هاذي اول مرة نروحه .
طلبنا ديناميت شرمب و نودلز و سوشي و في الاخير حلينا بكيكة شوكليت عجيبة و لذيذة . بس قهوتهم كانت سيئة طبعا و هاذي نقمة متذوقين القهوة المختصة.
بعدها كان عندي موعد بسيط و بسرعة خللصته و عانينا من الفود كوما و هي حالة الكسل و النعاس اللي تجي بعد الاكل :)
فاضطرينا نوقف عند قهوة خطوة جمل ، في الحقيقة مااضطرينا بس كان نفسي مرررة ازورهم من زمان ، و المكان يستاهل ، قد رحت قبل فرع الرياض و كانوا ودودين معاي بس فرع الخبر مرة اروق و اعتقد انها اروق قهوة مختصة دخلتها بحياتي،
اول شي هدوء و مافي ناس كثير ، ثاني شي يشيلونك بعيونهم غير الديكور الخورافي .
لما جينا نلب سألنا الكاشير ايش تفضلون قلنا له اسبرسو قال متأكدين اسبرسو قلنا له طبعا ، راح رد بصوت عااالي و قال كفو :) ع أساس الاسبرسو للناس المدمنة حقيقي.
شربنا القهوة عندهم و فعلا كانت عظيمة جدا ، الطعم متوازن و اللون كارميل :)
و صورت مهند كم صورة لأن ماعندي صور له :)
و رجعنا البيت ، انبسطت لأني من زمان ماطلعت مع مهند و استمتعت لأن فعلا نستاهل وقتنا الخاص خصوصا بعد كرف الدوام و الجامعة و ضغط البنات و البيت و كل شي ، احتاج اوقف من كل شي ، و اركض لفرحتي ، افتح يديني لها و استقبلها من قلبي ، استاهل انبسط و استاهل افرح و استاهل احب .و استاهل اعيش الحب.
رجعت البيت و جلست اذاكر و اذاكر لان الاسبوع الجاي عندي مادتين ثقيلات بنفس اليوم و شايله همهم من الحين .
متخوفه منهم بس الشي الوحيد اللي اوعد نفسي فيه اني انام كويس و اذاكر كويس و
اخذ شاور كل يوم ، مو لازم يوقا بس لو حصل خير و بركة ، حقووم انام .
تعليقات
إرسال تعليق