قرارات واهية
بطبيعة الحال بين فترة و الثانية تجينا ثورة داخلية و فجأة نصير نبى نعيد بناء نفسنا وأفكارنا و مع الفورة هاذي اقرر قرارات لحظية ،لا اسوي لها جدولة و لا احطها بالمهام و طبعا ممكن مااطبقها و لا مرة..عادي تصير ،ماراح ازعل من نفسي عادي راح تسامحها بس راح احاول انتبه مرة ثانية اني مااقرر و انا اكتب و أنسى .
قررت قبل فترة اني اسوي جدول عادات و اجربها شهر و بعدها احدد لو كانت تضيف لي أو مجرد عبء ،و اذكر اني.قلت ببدأ بالتأمل و تقريبا مرتين او ثلاثة سويته و بشكل عشوائي.
المرة هاذي جاء قرار براسي اني راح احذف السنابشات و الإنستقرام لمدة (نفسي اقول شهر ،بعدين اقول مو فارقة حتى لو ابد الدهر بعدين اقول خلينا أوقف أسبوع واحد و بعدين اقول أسبوع واحد قد جربته قبل ،خليني اخذفه نهائي من اصله بس كيف راح أتواصل مع صديقاتي مثلا ،لازم ألقى مكان أتواصل فيه معاهم لأن الحياة مو مثالية لدرجة ان أصدقاءك بيراسلونك smsمثلا
أو يتصلون بشكل دوري ،طبعا محد بيتحمس لك)
البوينت اني ابى اقطع السوشل ميديا خصوصا الإنستقرام و تويتر )
ممكن اخلي السناب ،ادخله مرة بالأسبوع مثلا و احذف اللي مااعرفهم معرفة شخصية )
ايش الهدف من ترك السوشل ميديا لشهر.
الهدف اني ابى حياة بطيئة،ابى هدوء،و بركة في الوقت.
ابى ألقى أشياء عميقة احبها .
ابى فكرة وحدة تعلق براسي ،ماابى مليون فكرة .
هاذي الأهداف فعلا أوصل لها لما اتركه بشكل متقطع
بس مااعرف ليش انا اشوف النتيجة و ابى استمر على السوشل ميديا بحجة اقضي وقت و لا انا ابالغ و لا ابى اكتشف مكان جديد و هكذا
الحالة فعلا و انا اكتب لاحظتها مثل صفات المدمنين لما يجيبونهم في الأفلام :)للأسف
طيب الحين ايش ابى اسوي في وقت الفراغ لأنو لو مااشغلت نفسي بخور:)
طيب
عندي خطط اقرأ كتاب
اذاكر
اشوف فيديوهات برمجة
اسوي يوقا
اكتب
اكتب أوراق الصباح
اسوي ميدتيشن
العب مع بناتي
اتقهوى
اشوف نتفلكس
اطبخ
اخبز
أحط ماسك
ارتب البيت
أتأمل
اشرب سفن او كولا زيرو
اطلع أتمشى
اروح السوق
اروح حديقك بما ان الجو صار حلو
اكلم امي
تقريبا ذي الأشياء اللي جت ببالي للحين
و الحين عشان مايصير قرار واهي حذفت التطبيقات
و راح اكتب هنا اني موقفة سوشل ميديا
و ماراح أحملهم لو افتحهم من المتصفح من اليوم
و راح احدد تاريخ نهاية القطعة على التقويم
و كمان لو كتبت هنا راح أضيف جزئية تحديثية عن الموضوع قد مااقدر
تعليقات
إرسال تعليق