اليوم الأول و التركيز
البدايات دائما وعودها لانهائية و وردية جدا . النهاية هي الحكم .
في الويك اند و مع انقطاعي عن السوشل ميديا كان الوقت يمر بشكل أطول من المعتاد ، رجعت سنابي الخاص ليلة السبت و قررت احذف كل الحسابات اللي مااعرفها شخصيا لأن صار تواصلي مع الناس من حولي وصديقاتي أكثر عليه من الواتس اب، و عشان التزم بالخطة قلت افتحه مرة وحدة باليوم .
الانستقرام و تويتر مافتحتهم مع ان كذا مرة ادخل على روابط تدخل لموقع تويتر او انستقرام و اول مااشوف عنوان الصفحة اقفلها لأن موضوع حلو يجر موضوع حلو و نرجع للتشتت اللي مانبغاه ،
و بالمناسبة أمس قرأت مقالة عظيمة لأحمد الردادي عن مشكلة التركيز هنا.
اليوم نمت طوال الصباح و الأسبوع الأخير صرت الاحظ اني انام بعمق و لااعرف ايش السبب غير انه ممكن يكون تخفيف الأكل لأن هذا الشي الوحييد اللي تغير عندي ،.
سمحت لنفسي بالنوم لأن هذا اليوم الوحيد بالاأسبوع هذا راح اكون فاضية تقريبا و لأن الويك اند مانمت فيه كويس ، كان عندي طلعات قرايب .
ناوية اليوم اكتب اوراق الصباح
اسوي يوقا
اتأمل
ودي اسوي اللوندري (اغسل الثياب)
شاور بناتي
اقرأ قران
و من هنا ابى اقول لنفسي انه مو لازم اسوي كل هالأشياء ، اللي اقدر عليه ، بس ابي انبسط.
و ابى اقضي وقت حلو مع بناتي و زوجي و ابى اكلم امي وابوي .
ابى اشوف فيلم او مسلسل حلو بس ماعندي اقتراحات كثير ، افكر ارجع اكمل فيم اوف ثرون لأن ماتصالحت معاه مرة :) بس احس الميوزك حقه حلوة.
تعليقات
إرسال تعليق