اليوم الرابع

بالمناسبة اليوم الثاني كتبته بس اتوقع ماحفظته فطار .

اليوم الرابع صحيت الساعة ٦ الصبح صليت و جهزت شادن للمدرسة .
سويت كيكة ليمون لأن من اسبوع مشتهيتها بس كان بخاطري انزل نص كيلو فأجلتها .

للاسف امس كنت مسوية كنترول مرة على الاكل بس بسبب مشاكل القولون و الهرمونات اعتقد مانزلت و لا قرام،
عشان كيذا قررت اكل كيكة الليمون على راحتي و بعدها ارجع اهدي .
تقهويت اسبرسو معاها و كان الجو لطيف ، فتحت الشباك و دائما هذا الوقت من كل سنة احب افتح الشباك و احس بالهواء حتى لو عشر دقايق و لازم اجلس جنبه .

كنت متوترة عشان اختباري عشرة ونص و كنت ابى ابو شادن يمسك ايلاف مدة الاختبار لان حرام اوديها حضانة و اختباري اقل من ربع ساعة لأنه اختيارات و كمان مااقدر ادخلها الجامعة لانها لحالها بدون شادن فأخاف تخاف .

الحمدلله اختبرت في سبع دقايق بالضبط بس لسا النتيجة ماطلعت ، كل شوي اشيك منخرشة احس جاوبت الحمدلله بس مااعرف لو كان صح فعلا .

رجعت البيت انا و ايلاف و كملنا قهوة و حكينا شوي و راحت تشوف رسوم متحركة ، مرة تحب تشوف افلام الكرتون أكثر من شادن لما كانت بعمرها .
كمان امس جلست تمسح على شعري الصبح و انا نايمة و لما فتحت عيني قالت لي ارجعي نامي ارجعي نامي :)كان مشهد كيوت قمت حضنتها بقوة و قمت طبعا خلاص .
اليوم ماكتبت اوراق الصباح بس حاولت اسوي تأمل عشر دقايق.

تغديت دجاج مع بالذنجان وطحينة ، كنت ابى اسويه راب او مثل الشاورما بس ماكان عندي خيز .
تقهويت مع مهند و اكلت نص حبة مارس شوكليت و ان شالله مااندم على القهوة.

اخذت شاور سريع و سويت لبناتي شاور و الحين يحاولون ينامون .
شادن مؤخرا تعاني من قلة النوم ماااعرف ايش السبب بالضبط بس من و هي عمرها ستة شهور كنت الاحظ اذا جاتها زكمه حتى لو خفيفة كيذا تصير ، نومها يصير صعب حتى لو كانت مرهقة، فأعتقد لان فيها شوية كحة و زكمة بسيطة اعتقد انها هي السبب و مشكلتها ماتحب تاخذ ادوية ، امس بالغصب حطيت لها قطرة تخفف الاحتقان للخشم و الحين بنتظرها لتسعة ونص اذا مانامت بحط لها ، حرام تكون طول اليوم مرهقة.