الصمت علامة لحالة الشك و التردد.
ليه اكتب ليه اسوي يوقا ليه ادرس ليه اصحى الصبح ليه احاول انتقي الناس من حولي،كله عشان أعيش الحياة بأفضل مايمكنني و اقدر اروض نفسي و اهذبها عشان الحياة الطيبة و السعيدة .
مرات من اصحى من النوم يكون فيني رغبة للسعادة و تقريبا ابى seeking for pure blusare
بس رغبة في الوناسة و الضحكة المؤقتة و تمرير الوقت بضحك.
احاول أحفز هذا الشعور لسبب اني عشت فترة طويلة اقتات على الحزن و الاكتئاب .
الأسبوع هذا و بالأخص قبل ثلاث أيام توفى صديق عزيز لوالدي في نفس اليوم اللي توفى فيه جارنا أيضا ،مشاعر كئيبة و بالأخص اني صرت احاتي مشاعر ابوي اكثر،الله يجبر خاطره و للأمانة عجزت انام اليومين الفايتة بالليل لهذا السبب .
و لهذا الحين انا في طريقي لصديقة اقضي معاها الوقت الصباح ،شلت معاي جباتي و جبن و سويت شاي عدني ،ماعندي توقعات لكني راضية
الحمدللله ارتحت و انبسطت بالجلسة،احب الحكايات و الناس اللي ما تنمل و تحسين تشاركينها في مواضيع كثير و الأجمل انك تحسينها معطيتك انتباه و مركزة معاك و هذا اكثر شي ابحث عنه مؤخرا ، جزء من احترامك للشخص المقابل هو الاهتمام باللي يقوله و تركيزك معاه و الأخذ و العطا جزء مهم .
الصمت في الحوارات و الانشغال و تشتيت الانتباه هو إشارة صريحة لإنهاء الموضوع .
عمر ما كان الصمت علامة الرضا !
الصمت علامة لحالة الشك و التردد.
الfully agreed تجي كاملة
من القلب من المشاعر من كل شي تكون متأكد من قلبك لحبك لشخص ما
تتكلم معاه و تسمعه للآخر
تفهم طيات الكلام غالبا لأنك مهتم
تعليقات
إرسال تعليق