قل لي من تتابع أقول لك من أنت؟

مااعرف متى اليوم بدأ تحديدا .
أمس سويت سيرش بسيط عن الأعراض اللي عندي و تأكدت ان فيني التهاب شديد بالحلق و قلت لو ماتحسن اروح العيادة ، بس كأنه يتحسن ببطء و كمان قريت انه يروح من دون تدخل طبي في خلال اسبوع .
اليوم هو اليوم الثالث و ماادري لو استمر في مود العسل و الليمون و زيت الزيتون أو ابدأ أخذ أدوية، بنادول حل وسط لكن مشكلته يهيج معدتي .
اليوم أحس بحلقي أخف من أمس بس برضو لسا متأثر و احس بشوية خمول بس ودي اتنشط و اقوم اسوي يوقا بسيطة بس تحرك الدم في جسمي .

امس بالليل طلعنا الدانوب و مرينا ماكدونالدز و طلبنا فرايز ، استمتع بالفرايز حقهم .
رجعنا البيت و جلست على الكنبة من الساعة 9 إلى ١ نشوف الموسم الثالث the crown، و بصراحة من زمان مااتفقنا انا و مهند على مسلسل و تابعناه مع بعض.

السنتين اللي فاتت أعتقد انه كان نادر جدا اني اتابع مسلسل و اشوف حلقات ورا بعض مو بس لأني مشغولة لا ، كمان لأني متوترة و قلقانه طول الوقت .
لما تكون متوتر يكون صبرك في أدنى مستوياته و بالك قصير جدا للأسف و هذا الشيء يأثر على استمتاعك بالحياة.

اذكر اني كتبت ان هدفي لنهاية سنة ٢٠١٩ اني انام كويس بدون منوم و اتحكم بأكلي و انزل الخمسة كيلو الباقية .

أعتقد اني خطيت خطوات ممتازة بطيئة بس ممتازة ، الشهر هذا نهائي مااخذت ميلوتنين ، انام بالليل صح مو بالشكل الطبيعي بس افضل .
الأكل لسا في شد و جذب معاه ، اعتقد لو عدت مشكلة التهاب الحلق راح ارجع التزم بشكل افضل .

لاحظت اني هدأت و صرت أحس بالفضاوة و الملل و الملل و اعتقد انها اعراض ترك السوشل ميديا .

افكر ان الابتعاد عن السوشل ميديا جدا مريح و في نفس الوقت احس بأكثر ملل حسيته في حياتي ،ودي ارجع بس يخطة.
و اعتقد ان الدخول اليومي مو خطة يعني يمكن لو ادخل يوم بالاسبوع يمكن و يكون ساعة فقط ، شي زي كيذا .
امس تصفحت السناب و تحمست مرة لان فعلا ملانة ، حقيقي صرت احس واعية و منتبهه اكثر لنوع التأثير اللي يحصل .
و كمان ابى. مااحكم على الناس من حولي ، يعني الحين بسهولة تضبط الحكمة القديمة اللي تقول قل لي من تصاحب أقول لك من أنت ، و اعتقد بتكون قل لي من تتابع أقول لك من أنت؟
لما اشوف مراهقة تسب منتج معين أو تمدح ستايل معين علطول راح تعرف مين تتابع ! خصوصا لو لك خبرة بسيطة .
أحيانا حتى اللزمات الكلامية لمشهور معين تبدأ تشوفها في متابعينه .

فكرة معينة تتبناها قريبة لك أو صديقة تعرفين مصدرها ، يمكن أحيانا ما ننتبه من كثر مانتابع حيوات الناس و اللايف ستايل و النصائح و التيبس ، مانعرف من وين جتنا الفكرة.
في أحيان كثيرة المتابع يتبنى فكرة مشهور ما أو انفلونسر من دون ماينتبه انها ماهي فكرته أصلا.

ماابى أحس بالشطارة على أحد ، كلنا كنا هذا الإنسان بيوم من الأيام ،للأسف.

السوشل ميديا دخلت حياتنا بدون حدود، وصار مافي قانون واضح أو حدود واضحة و الأغلب كان يفكر بالإيجابيات و السلبيات فقط بحدود الانفتاح و الدين و انها سلاح ذو حدين ، بس محد محد فكر انها تأثر على نفسياتنا إلا متأخر .
و للحين يمكن لو تقول لأحد تأثير السوشل ميديا على الصحة العقلية و التركيز و الصحة النفسية و مشكلة المشاعر و المقارنات و الأحاسيس ، يمكن كثير ماراح يقتنعون بكلامك ، أنا متأكدة لو في مجلس من مجالس الحريم قررت اتكلم عن هذا الموضوع راح يجيني الإحباط تماما مو لأني أحس بالفوقية لا ، لأني متأكدة ان كلامي محد راح يستوعبه ، يعني انا متأكدة إن أكثر شي يمنع الناس من الإفراط في التصوير و الاستعراض مو الأسباب الأخلاقية ، لا

و هنا انا اتكلم من واقع و من منظور واقعي بحت ، السبب الوحيد اللي يحد من ان السوشل ميديا تكون بيئة استعراضية هو الخوف من العين و حسد الناس ، و هاذي اكثر فكرة ممكن تروج لها لما تقول للناس سلبيات السوشل ميديا ، هاذي الفكرة الوحيدة الي راح يصدقونها و يتقبلونها و صاروا اكثير يسوون يوزرات من دون مشاركة حقيقة وهذا خلق لنا ملايين من الحسابات الوهمية اللي بس همها تتابع كل جديد و غريب و تعلق بدون رقيب .للأسف.

السب الثاني اللي تقدر تروج فيه لخطر السوشل ميديا و ممكن الناس يصدقونك هو ضياع الوقت مع ان الكثير مو فارق معاهم ، لا حاسين بقيمة الوقن و احنا كبشر راح ندور لنفسنا وقت و بنقول بنتصفح في السيارة ، لأن أصلا احنا مانسوي شي و راح ندور لنفسنا عذر .

هل احنا أغبياء لدرجة إننا مستعدين نتنازل عن راحتنا و وقتنا بمقابل يحكوا لنا ناس مانعرفهم عن مشاكلهم و فوقه ماراح يسمعون لنصيحتنا أصلا ؟