اليوم التاسع
يوم خامل بامتياز
صحيت الفجر و كانت البداية مبشرة ، مارست دوري كأم و رجعت البيت سويت يوقا لنص ساعة و بعدها قررت اذاكر و جاني خمول و وجع بظهري و ركبتي فقلت اخذ مغنيسيوم يهدي وجع العضلات و بالمناسبة له ثلاث أيام بس اتوقعه شي طبيعي نظرا لنقص الفيتامينات اللي اعاني منه مؤخرا .
و اخذتني عيني على حين غرة و سمحت لها صراحة لإن كان مفروض اخذ كلاس الخميس اليوم لإن الخميس بكون مشغولة بس قررت استمتع بالنومه:)
صحيت و جبت إيلاف و قابلت مديرة المدرسة بالصدفة و كانت جدا لطيفة و قالت لي انو بنتك جت عندي و قالت لي انها تحبني ، و جلست تدعي لها .
حسيت بإحساس حلو ان تربيتي أثمرت و لو بشي بسيط ، ان جو الحب يطغى على البيت .
و بعدها جت شادن و سوينا سموثي صحي و اكلنا فراولة و بعدين قمت سويت لهم شوفان بالخليب و العسل عشان كل اربعا يكون عندهم نادي أطفال يروحون له بحماس شديد.
وديتهم و رجعت احل واجبات الحاسب و لو ما سويت اليوم الا هي فأنا راضية تمام الرضى.
رحت سويت تنظيف لبشرتي عشان سويت لها تقشير كيميائي الاسبوع الماضي بس صراحة ماحسيته وااو.
و مريت على محل محلي يبيع دونات و قهوة ،محل لزييز جدا يديرونه بنتين و ابوهم ،احساس الكوفي و الديكور و الفايبز رايقة لو جيته بالنهار كان بيكون مو طبيعي.
و بس رجعت البيت و حبوب القهوة خلصت و مزاجي نوت ذات متش و اكلت حبوب كالسيوم عشان يمكن تخففف الوجع.
رتبت اغراض الميك اب عشان عندي عروستين في الويك اند و احتاج اسافر لهم الجمعة الصباح .
اعتقد الظهر لو كتيبت هالتدوينه كان راح تكون في افكار فلسفية في مخي واجد بس الحين ةدا مالي خلق و ودي اهلص الاسايمنت و افتك . احسه حمل علي قلبي
تعليقات
إرسال تعليق