اليوم الثالث عشر
لاحظت ان لما اكون مرتاحة من جوا يكون السبب حذف الانستقرام و السنابشات :)
صحيت ست و نص ، تمنيت اصحى قبل بس لإني نمت ٣ و ان شالله يتحسن نومي الأيام الجاية نظرا لتعويضي نقص الفيتامينات و الكالسيوم اللي عندي.
بعد ما مارست دور الأمومة رجعت البيت و تصفحت النت و طلبت لي كريمات لبشرتي كنت مفكرة اطلبها من فترة طويلة بس كان عندي اكتفاء من الكريمات .
سويت يوقا و اخذت شاور و رحت الجامعة ، بعد ما شغلت المكنسة بالبيت.
لما وصلت اكتشفت ان في اختبار تعبير للانقلش و انخرشت صراحة لان ماكنت مستعدة له ابدا بس الحمدلله المواضيع كانت افضل من اللي اطلعوني عليها البنات قبل الاختبار.
و انا طالعة من الاختبار جت بنت مستعجلة مره و قالوا لها باقي خمس دقايق قالت عادي و كان باين عليها منخرشة و تذكرت اني انحطيت في نفس الموقع في الكويز الاول و اضطريت اكتب اي كلام و كان مامعها قلم و اعطيتها قلمي و طلعت.،كان الموقف مؤثر بالنسبة لي على الأقل ،كيف ان ربي يسخر لك الخير .
يسوق لك الدعوة يعني على الأقل البنت كل ماتشوف قلمي بتقول الله يجزاها خير و يمكن اكثر ، دائما و ابدا احاول مااستهين بالأشياء البسيطة،
سويت الغدا روزريتو روبيان و الذرة و الوصفة من راسي طبعا و كوكيز لي و لبناتي .
بس على الأغلب انتهت اغلب المهام سويت اللاندري و مسحت ارضية الصالة و افكر نطلع العصر السوق نجيب لإيلاف شوز حفلة المدرسة و اجيب غرض لشغلي لإني حطيته بالغسالة بالغلط:) و الأغبن اني اشتريته من ٤ ايام فقط
تعليقات
إرسال تعليق