اليوم العاشر

نمت بعد معاناة الأرق بس نمت و الحندلله ع الساعة ٢ونص يمكن و صحيت ٦ ونص ..
تأخرت على سواق شادن و راحت مع البابا و يكون اجمل يوم بحياتها و بعدين رحت مع ايلاف و اليوم قالت لي معلمة عندهم بالروضة انو ايلاف جنتها و اهل الشرقية يقصدون بالشنة مرت الولد و ككل هذا لإنو ولدها يحبها و بالمناسبة حتى شادن لما كانت بالروضة كان كل الأولاد يقدرونها و يحبونها لدرجة أم واحد من الأولاد قالت الله يستر من بنتك لا تخلينا ندفع لها مهر مية ألف:) لإنها مو معطيه ولدها وجه:) و كان حب الروضة حق شادن اسمه نواف الشهري و بالصدفة قابلت امه و كانت جدا سعيدة و تقول انه يحكي لجده عن البنت الحلوة اللي بالروضة :)

اليوم كنت افكر فيما لو الدايريز حقي تتخذ منحى ثاني بدل ما هي لتنمية مهارة الكتابة تصير لبناتي و يشوفون مواقفهم و هم صغار و أمهم اللطيفة:)

ذاكرت الصبح مادة الحاسب و هي مادة محببة لقلبي لسبب انها تذكرني بطفولتي ، ابوي الله يحفظه كان يملك محل يبيع كمبيوتر و توابعه ، و كنت انا الدادي قيرل زي مايسمونها او صديقة بابا و لا ازال بيننا كيميا عجيبة و كاريزمتنا قريبة من بعض مع اختلاف التوجهات بس جدا متطابقين فينّا حنية  و عاطفة قد مافينا إصرار و إصرار رهيب و مخيف ، احب الصفات اللي تجمعنا زي حسن المنطق و الدبلوماسية مثلا و قد ايش يكرهوننا ناس كثير :)
بس مو مشكلة قدرت اتخطى احساس انو مو لازم كل الناس تحبني و هاذي الصفة و رثتها شوشو مني بعكس إيلاف.
و راح تقدر تتخطى رأي الناس و احيانا احس جزء من حركتي في الحياة اني ماعاد انتظر موافقة و لا رأي أحد لإنه في كل الحالات هم ماراح يرضون عليك و فعلا في مجموعة من الناس تبغاك اهبل و تبغاك تعيس عشان هي ماتحس بالنقص و هاذي مشكلة حقيقية ادركتها متأخر يمكن بعمر الثلاثة و عشرين ، لما تخرجت من الثانوي حاولت احسب حساب كل شي اسويه للناس عشان ماابى اكون غريبة و اكتشفت هالحقيقة للأسف .
و هنا ماانكر ان ربي مرضيني بناس يحبوني حولي و قريبين مني و هاذي نعمة حقيقية اشكر ربي عليها، و مو مهم غيرهم .
أصلا مؤخرا صرت اشوف خيرة انك تجرب تجربة  تخلّي أو عدم تقدير لإنها راح تخليك تتحرر بشكل أو بأخر و راح تكون انسان مختلف و تفكر خارج الصندوق زي مايقولون .


اليوم عندي مناسبة مساء و احتمال مااحضرها لإن عندي شغل بكره من الفجر و لازم اسافر له يوم و ارجع تالي الليل الله يسهلها من عنده .

و اخلفت وعد الخميس اللي اتفقت مع بناتي عليه و افكر أأجله السبت لو اقدر .