السيوم السابع عشر،يوم ثقيل

اتتساءل لو كنت راح استمر للمية يوم من هذي المذكرات اليومية و الفلسفية .

صحيت متأخر ع الستة ونص و اخذت غفوات كثيرة نظرا لنومة امس السيئة نمت الصبح ساعة و العصر ساعتين و نص تقريبا و عشان كيذا انا مستعدة نفسية للأرق و اعتقد اني ماراح انام اليوم الى بعد الفجر .
مارست الأمومة و اكلت خبز بالزبدة و الكريمة امس اخذته من مركز العثيم كان لذيذ جداااااا، في الوقت اللي كان ضميري يأنبني على الكالوريز كنت مستمتعة و استمريت في الأكل لهذا السبب لإن مزاجي كان فعلا يحتاجه .
اليومين الماضية حاولت اقلل شوية بس اليوم صحيت جدا تعبانه ، افكر أأجل الدايت الى بعد مااسوي تحاليل شاملة.
خاليا بس ابى مزاجي يطيب ، تقريبا هذا هو الهدف.
رحت الجامعة و حضرت محاضرة الحاسب و تأثر فيني بشكل حلو احس بالفرح و هو صراحة احساس غريب احس بأني متشوقة و اعتقد ان الدكتورة ملاحظة علي الحماس.
و انا طالعة مريت على دكتور مادة أمس و شرحت له اني ابى درجة الحضور و كان لطيف معاي في الواقع،قلت له الجملة السحر في تاريخ النقاش ، يعني اذا كنت ابى من احد شي اقو له "انته كريم و انا استاهل" و عمر الأدب و اللباقة مايضيع احد .

ألغيت كل خطط الخمييس لان بسافر بكره و بعده البحرين شغل و اصلا قبل اسافر بكره في شغل بعد بالخبر الله يسخر لي الخير .

هالفترة احس بضغط و كل مااحس فيه اتذكر ان الفضاوة شينة بعد فأتراجع عن احساس الضغط و الزحمة.
اليوم انا مو كويسة و ادري مبين من التقاش أعلاه.
أخذت شاور فاتر و كان ودي اخذ بارد بس حسيت انه اوفر على نفسيتي اليوم .
ودي كتب لسته بالأشياء اللي أحبها و تغير مزاجي عشان اتذكر اسويها في الأيام الثقيلة زي اليوم .

شربت سموثي اخضر و سموثي بالبنانا و شفنا مع بعض فيلم brave, شادن مرة تحزن عند لما تتغير الأم لدب فالمرة هاذي مشت نص ساعة من المقطع عشان ماتشوفه ،و اذكر اول مرة شافته جات ندي إيلاف و انا بالمطبخ وقالت لي انو شوشو تصيح :)
لما رحت اطيب خاطرها قالت ايلاف انا بطلة مااصيح قالت لها شادن بالحرف الواحد : ذلك لإنك صغيرة لاتفهمين :)