رابع يوم ان هولند

كنت انوي التدوين كل يوم

بس الرحلة مع الاطفال تكون مزدحمة لدرجة ماتحصل وقت لنفسك و هذا اللي يصير .

يوقا ماسويت و لا يوم المكان ضيق و الجدول فل مع ان جسمي يناديني و عضلاتي من المشي مرهقة .

تسلسل الأفكار و جودتها قلت رغم الوناسة و الاستمتاع بالمنظر 

اليوم طلعنا في لعبة مثل عين لندن لكن على البحر حاجة عجيبة بس للأمانة كنت مرعوبة للدرجة اللي حتى الادرينالين ماكان يرتفع،اقصد الرش اللي تصير لما نسوي شي يحمس ،كنت خايفة و بس،شادن كانت تضحك علي و كل شوي تتخيل رقم الارتفاع،ايلاف كانت لازقة فيني و مهند متحمس.

ثلاث مرات ترتفع و في كل مرة يخف الرعب.

بعدين مشينا على الشاطئ كان جداً جمييييل  و مبهر

لكن صارت فقرة اختفاء السيطرة و اللي هي عبارة عن هياتة الاطفال و صراخ الأمهات و هاذي المرحلة تخلص طاقتي ن تخليني لمزاج متدني و للاسف ماشربت قهوة جيدة الصباح و لاحظت اني اذا أجهدت بالمشي تخلص طاقتي كأنو عندي مقياس للمزاج ينزل على الساعة٢أو ٣العصر و بالمناسبة هذا الوقت قبل السفر يكون وقت راحتي و قهوتي فيمكن يأثر .

طبعًا طنقرت و مادخلت معاهم الاكواريم،جلست برا اكلني الهوا و متت من البرد ،قلت اروح كوفي بس خفت أضيع عليهم خصوصا ماعندي نت و لا شريحة .

حاول يطيب خاطري مهند و وداني قهوة مختصة و الحمدلله هديت و طاب خاطري و شربت قهوة اسبرسو و مختصة و براوني ،كان صاحب القهوة لطيف مرررة معايا و أعطاني ستيكرات و رواني انواع القهوة .