تجارب العادات الجديدة. ١. تأمل.
بين فترة و الثانية احب اتابع قناة مات ديفالا Matt Divalla
و هو بالأساس صور فيلم عن المينياملزم و عن التقليلين و صار يصور تجارب كل شهر يلتزم بشي معين و يقرر إذا ناسبه يدخله بعاداته اليومية و حقيقة الفكرة ملهمة و تخليك ماتتخبط بأفكارك و عاداتك يعني مثلا أنا أحيانا بجرب أدخل عادات جديدة و في ثلاث أيام أ قرر انها ماتناسبني مثلا و اكثر شي يجي ببالي الحين لما جربت الفيقن و بالضبط في ثلاث أيام وقفته ، يعني ماحاولت حتى اكافح أو أحل المشكلة بس برضوا مالي نية حاليا أعيد تجربة الفيقن.
ودي هذا الشهر ادخل التأمل ربع ساعة كاملة كل يوم الصبح .
عاداتي اليومية فقيرة نوعا ما يعني كل اللي اسويه لو صحيت بدري يوقا و لي اسبوع بصوم الصيام العكسي ١٢ساعة بس و اصلا مدري لوو يحسب بس مرتاحة عليه نوعا ما .
و صايرة أحب الخبز و اقصد فيه الفعل نفسه و ريحة الخبز لما تفوح بالبيت.
ودي اشتغل على التدوينات من جديد.
و بكتب بعض العادات اللي ودي ادخلها عشان ارجع لها لو هنق مخي.
١.ودي اخبز بشكل شبه يومي(كروسان،خبز عادي، بريوش، باقيتت )
٢.اكثر شي ودي فعلا من قلبي استمر عبيه مو شهر الا عمر كامل ودي انام الساعة تسعة أو عشرة و اصحى الفجر ، نومة وحدة .دايم القيلولة تعفسني و نومة الصبح تعدي علي كلها أحلام .
٣.ودي ارتب اكلي بشكل اكبر و اقللها لفطور و وجبة بعد الجامعة و سناك المغرب.
٤.اتنفس و اتنفس.
٥.يوقا لساعة كاملة كل يوم.
٦.ودي اخصص وقت لبناتي اسوي لهم روتين يومي نسولف و نتفاهم و اتقرب لهم، ودي ادخل لهم عادات جديدة تحميهم إذا كبروا مثل الشاور بشكل يومي ، مشكلتي الوحيدة مع الشاور كل يوم هي ان الشعر يبقى مبلول وقت اطول و يصيرون عرضة للزكمة بشكل أكبر ، لو تخطين هاذي المشكلة أحسه بيكون روتين حلو لهم .
افكر اليومين هاذي بخطة لأضافة بعض العادات لبناتي بحيث إذا كبروا يكونون محميين بإذن الله .
٧.عادة الأذكار الصباح و المساء ، ودي اضيف لي اية الكرسي بعد كل صلاة و كمان حزب من القران ، شيء مريح.
٨.ارجع اكتب اوراق الصباح حتى لو كل ثلاثة أيام بس ودي ارجع لها.
بس اعتقد هذا اللي ببالي للحين
لي كم يوم افكر بالتنفس خصوصا مع المذاكرة يصير مالي خلق اكتب اوراق الصباح و في نفس الوقت اللي احس اني مسيطرة على نفسي و حاسة فيها بس كمان أحس في أشياء جالسة تفوتني على نفسي و احس بضغط المذاكرة و صعوبة المواد و احس بنقطة الانهيار خصوصا مع برمجة الجافا اللي في لحظة احسها بسيطة و سهلة و في اللحظة الثانية أحسها من اعقد ما شفته بحياتي .
و هو بالأساس صور فيلم عن المينياملزم و عن التقليلين و صار يصور تجارب كل شهر يلتزم بشي معين و يقرر إذا ناسبه يدخله بعاداته اليومية و حقيقة الفكرة ملهمة و تخليك ماتتخبط بأفكارك و عاداتك يعني مثلا أنا أحيانا بجرب أدخل عادات جديدة و في ثلاث أيام أ قرر انها ماتناسبني مثلا و اكثر شي يجي ببالي الحين لما جربت الفيقن و بالضبط في ثلاث أيام وقفته ، يعني ماحاولت حتى اكافح أو أحل المشكلة بس برضوا مالي نية حاليا أعيد تجربة الفيقن.
ودي هذا الشهر ادخل التأمل ربع ساعة كاملة كل يوم الصبح .
عاداتي اليومية فقيرة نوعا ما يعني كل اللي اسويه لو صحيت بدري يوقا و لي اسبوع بصوم الصيام العكسي ١٢ساعة بس و اصلا مدري لوو يحسب بس مرتاحة عليه نوعا ما .
و صايرة أحب الخبز و اقصد فيه الفعل نفسه و ريحة الخبز لما تفوح بالبيت.
ودي اشتغل على التدوينات من جديد.
و بكتب بعض العادات اللي ودي ادخلها عشان ارجع لها لو هنق مخي.
١.ودي اخبز بشكل شبه يومي(كروسان،خبز عادي، بريوش، باقيتت )
٢.اكثر شي ودي فعلا من قلبي استمر عبيه مو شهر الا عمر كامل ودي انام الساعة تسعة أو عشرة و اصحى الفجر ، نومة وحدة .دايم القيلولة تعفسني و نومة الصبح تعدي علي كلها أحلام .
٣.ودي ارتب اكلي بشكل اكبر و اقللها لفطور و وجبة بعد الجامعة و سناك المغرب.
٤.اتنفس و اتنفس.
٥.يوقا لساعة كاملة كل يوم.
٦.ودي اخصص وقت لبناتي اسوي لهم روتين يومي نسولف و نتفاهم و اتقرب لهم، ودي ادخل لهم عادات جديدة تحميهم إذا كبروا مثل الشاور بشكل يومي ، مشكلتي الوحيدة مع الشاور كل يوم هي ان الشعر يبقى مبلول وقت اطول و يصيرون عرضة للزكمة بشكل أكبر ، لو تخطين هاذي المشكلة أحسه بيكون روتين حلو لهم .
افكر اليومين هاذي بخطة لأضافة بعض العادات لبناتي بحيث إذا كبروا يكونون محميين بإذن الله .
٧.عادة الأذكار الصباح و المساء ، ودي اضيف لي اية الكرسي بعد كل صلاة و كمان حزب من القران ، شيء مريح.
٨.ارجع اكتب اوراق الصباح حتى لو كل ثلاثة أيام بس ودي ارجع لها.
بس اعتقد هذا اللي ببالي للحين
لي كم يوم افكر بالتنفس خصوصا مع المذاكرة يصير مالي خلق اكتب اوراق الصباح و في نفس الوقت اللي احس اني مسيطرة على نفسي و حاسة فيها بس كمان أحس في أشياء جالسة تفوتني على نفسي و احس بضغط المذاكرة و صعوبة المواد و احس بنقطة الانهيار خصوصا مع برمجة الجافا اللي في لحظة احسها بسيطة و سهلة و في اللحظة الثانية أحسها من اعقد ما شفته بحياتي .
تعليقات
إرسال تعليق