يوم مبارك
اليوم يوم مبارك جدا ينقصه بعض اليوقا ، فوتت وقتها صباحا لإني حسيت ابى اتمي بالسرير حتى لو بدون نوم بس ارتاح من النوم:)
و طبعا بكمل خمسة أيام مع الحبوب المنومه من ايهيرب و على حد علمي انها امنه و مالاحظت اثار جانبية للحين و الحمدلله ، يمكن طلعت لي حبوب صغيرة بوجهي بس مدري منها و لا وضع طبيعي، عموما انا ماراح اطول عليها بس تضبط الساعة البيولوجية بتركها .
جهزت شادن للمدرسة و اكتشفت انها حطت مريولها بسلة الغسيل و المريول الاحتيلطي اللي طلبناه مابعد وصل ، فاضطريت انزله من السلة و الحمدلله مافي الا هو تقريبا و نفضته و كويت اطرافه و لقيت بلوزة احتياط و قدرنا نتدارك الموضوع و راحت المدرسة و صحي ابو شادن بعدها و شربنا قهوة مختصة كيمكس و بالنادر يفطر بالبيت بس كان شي حلو و صحيت ايلاف و جلسنا انا و اياها بالبيت .
قررت انظف الصالة تنظيف عميق لفيت الزولية و كنست فوقها و تحتها و تكنيكلي انا ما كنست إنما ايوفي (المكنسة الروبوت)
و مسحت و نفضت الكنب و غيرت مفرش سريري و مسحت الاسطح و كنست باقي البيت و نظفته و ماجت الساعة ١١ الظهر الا وانا مرتبة البيت و منظفته ، كان ودي ابخر بس ايلاف فيها بداية زكمة
حاولت انام الظهر و الحمدلله ماضبطت معاي و فجأة قررت اروح اسوي تحليل دم شامل فيتامين دال و ب و الزنك ، تقريبا شاكه فيهم لأن عيوني صايرة تجف بسرعة و تأذيني .اشتريت لها قطرة مرطبة و كأنها خفت فقررت احسم الموضوع و اشيك على الفيتامين ، نفسي اشيك على الهورمونات كمان بس مايضبط التوقيت معاي .
و لما رجعنا اختاروا بناتي انهم يروحون ماكدونالدز اللي راحو له مرتين في حيتاتهم و مريت عليه ، شوي لعبوا و طلبنا هابي ميل عشان اللعبة على الاغلب و طلبت لي بطاطس مقلية و استمتعنا و رجعنا البيت .
مااعرف الحين لمااشيك على المذكرات حصلت انها عادية بس احس اني سويت اشياء كثيرة و غير اعتيادية بالنسبة لي ، ايه و اخذت شاور و سويت ستريت لشعري و لبست شي فيمنن شوي و أنثوي ، حسيت اني صايرة عملية بزيادة اليومين الفايتة و كل لبسي كاجول و سبورت بزيادة فقررت اتأنتك شوي و فعلا حبيت احساس الأنتكة:)
و طبعا بكمل خمسة أيام مع الحبوب المنومه من ايهيرب و على حد علمي انها امنه و مالاحظت اثار جانبية للحين و الحمدلله ، يمكن طلعت لي حبوب صغيرة بوجهي بس مدري منها و لا وضع طبيعي، عموما انا ماراح اطول عليها بس تضبط الساعة البيولوجية بتركها .
جهزت شادن للمدرسة و اكتشفت انها حطت مريولها بسلة الغسيل و المريول الاحتيلطي اللي طلبناه مابعد وصل ، فاضطريت انزله من السلة و الحمدلله مافي الا هو تقريبا و نفضته و كويت اطرافه و لقيت بلوزة احتياط و قدرنا نتدارك الموضوع و راحت المدرسة و صحي ابو شادن بعدها و شربنا قهوة مختصة كيمكس و بالنادر يفطر بالبيت بس كان شي حلو و صحيت ايلاف و جلسنا انا و اياها بالبيت .
قررت انظف الصالة تنظيف عميق لفيت الزولية و كنست فوقها و تحتها و تكنيكلي انا ما كنست إنما ايوفي (المكنسة الروبوت)
و مسحت و نفضت الكنب و غيرت مفرش سريري و مسحت الاسطح و كنست باقي البيت و نظفته و ماجت الساعة ١١ الظهر الا وانا مرتبة البيت و منظفته ، كان ودي ابخر بس ايلاف فيها بداية زكمة
حاولت انام الظهر و الحمدلله ماضبطت معاي و فجأة قررت اروح اسوي تحليل دم شامل فيتامين دال و ب و الزنك ، تقريبا شاكه فيهم لأن عيوني صايرة تجف بسرعة و تأذيني .اشتريت لها قطرة مرطبة و كأنها خفت فقررت احسم الموضوع و اشيك على الفيتامين ، نفسي اشيك على الهورمونات كمان بس مايضبط التوقيت معاي .
و لما رجعنا اختاروا بناتي انهم يروحون ماكدونالدز اللي راحو له مرتين في حيتاتهم و مريت عليه ، شوي لعبوا و طلبنا هابي ميل عشان اللعبة على الاغلب و طلبت لي بطاطس مقلية و استمتعنا و رجعنا البيت .
مااعرف الحين لمااشيك على المذكرات حصلت انها عادية بس احس اني سويت اشياء كثيرة و غير اعتيادية بالنسبة لي ، ايه و اخذت شاور و سويت ستريت لشعري و لبست شي فيمنن شوي و أنثوي ، حسيت اني صايرة عملية بزيادة اليومين الفايتة و كل لبسي كاجول و سبورت بزيادة فقررت اتأنتك شوي و فعلا حبيت احساس الأنتكة:)
تعليقات
إرسال تعليق