تراجع أو تقدم

راح ابتدي بالتراجع ، الفكرة تقول إني أوقف شغلي في مجال البيوتي لأنه بالأساس كان شغل مؤقت غير إني بديت أحس إني استهلكت فيه و مالي خلقه يعني تقوم و تنام على موضوع زي موضوع التجميل شي مرهق صراحة .
أحس مو غلط اني اوقفه و اعتزل حتى لو بشكل مؤقت مثلا .
أذكر مرة سمعت بودكاست مع نوف حكيم كانت بتتكلم عن إنها تفتح شغل و تعطيه مدة سنة و تشوف إذا تلقى نفسها فيه أو لا .
اخر كلاس بالجامعة عن البيزنس كانت الدكتورة تشرح ان السمول بيزنس عادة ماتعيش أكثر من خمس سنوات و اعتقد اذا تعدت هذه السنوات يكون الشغل اثبت نفسه .
أنا لي في هذا المجال اربع سنوات و بالحقيقة أنا مبسوطة من جهه عليه و من جهه ثانية أنا مرهقة جدا منه و يزيد شعور الضغط عندي الاف مؤلفة منه .
طيب كيف أنا مبسوطة عليه . أحس عرفني على ناس جدد و صرت أقدر اصنف نفسي تحته و من ناحية مادية يعتبر جيد لكن هل الدخل المادي اللي لو وقفت شغلي راح اتأثر ، طبعا لا شغلي يقوم نفسه بنفسه تقريبا و مااخذ منه كثير بمقابل اللي ادفعه فيه ، احسه زي الهواية اللي تدفع عليها ،مو دايم يجيني إحساس السعادة لما اصور و لا لما احط للناس ميك اب و لا احس بالفخر و لا احس بالانجاز ، ايوه انا احب شغلي احب البروسس و تعودت عليها بس دايم مااحس اني راضية عنه .
 بعد ماتغلبت على شعور المنافسة مع غيري صرت الاحظ اني فعلا مو مضطرة اثبت لنفسي اني لازم استمر ، احيانا اخاف اتحسف اني وقفته بس للأمانة على قد ماالدخل المادي منه كويس جدا بس مااحس ان اللي اسويه عشانها يسوى و لا احس بالبركة فيها .
أحيانا أقول إني سويت أشياء كثيرة عشان ينجح مشروعي و أشياء صادمة إذا أنا تذكرتها أحس ماسويت كيذا عشان يجي يوم و اوقف  .
بس على الجهة الثانية يجيني صوت سويتي كل شي ، سويتي كل اللي تقدرين عليه .

في كل مرة كنت اقرر اوقف شغل كنت استخير و بعدها بيوم يجيني حجز جديد و اعتبرها إشارة إني في الطريق الصح .
بس إلى هنا راح أعطي نفسي اخر فرصة ، راح اكمل دورة الميك اب راح اتجهز لها و إذا ماوافقت الشركة المنظمة بعتبرها النهاية ، و بعلن على الانستقرام توقفي عن استقبال الحجوزات .
بعدها راح افتح حساب شخصي باسمي الحقيقي و راح اوقف بالتدريج