أسبوع على هجر السوشل ميديا و الكريتيف ليفيتق
اليوم كملت اسبوع من هجر السوشل ميديا اللي هم تطبيق السنابشات و الانستقرام
نمت اكثر ساعات بحياتي ،متقطعة صح بس انام بشكل مُرضي .
فتحت تويتر كم مره بس اصلا مااحبه فما اطول عليه و كثير فتحت اليوتيوب و بنترست بس اليوم جاني تنبيه على وقت استخدام الجوال انه نقص بنسبة ٦٤ بالمية ويتش از قود نمبر .
قاعدة افكر بمفهوم الكريتيف ليفينق ،و متحمسة عليه نوعا ما خصوصرا اني بديت استبعد اي مشروع بيزنس جديد لسببين الاول انه مجهد نفسياعلي جدا و احس مااحتاج هذا الإجهاد أبدا و الثاني إن مااحس عندي دافع مادي يحمسني أبدا يعني مااحس اني اصرف فوق حاجتي و بالتالي احتاج دخل اكثر .هاذي الفكرة مناسبة لهذا الوقت فقط و ممكن بكرهبعده تتغير احتاجاتي و تتتغير أولوياتي.
الكريتيف ليفيتق ، اول مرة قريته بكتاب بيقماجيك لاليزابيث قيلبرت ،تكلمت عن هذا المفهوم بشكل بسيط و قالت ان امها كانت من اكثر الناس اللي يعيشون بإبداع فمثلا كانت تخبز بنفسها و تقص شعرهم بنفسها و حاجات زي كيذا ،فأنا فكرت كيف اقدر اوظف هذا المفهوم في حياتي و تقريبا الفكرة المبدئية عندي اني ارتب روتيني على الاقل خلال وسط الاسبوع و اطبخ طبخات جديدة و عادي لو كانت سهله و اني اشوف اشياء حلوةو اقرأ و استمتع ببساطة .
امس طلعنا جرير و اشترينا كتب للبنات و بدأت اتحمس لتدريسهم على غير العادة و ناوية اكون انقيج اكثر في الدراسة و الو كان هذا على حساب هجر السوشل ميديا تماما .
ايلاف بما انه الدراسة عن بعد للكي جي فقلت احسن ادرسها انا و اتابع معاها على مزاجي و يمكن اضيف سبورة او جدول للمراقبة . و صراحة صرت اخاف عليها بزيادة بعد ما تعبت في فبراير الماضي و فعلا تتأثر من التنطط و اللعب رغم انها جدا تحب اللعب.
شادن صف رابع فالموضوع شوي اصعب الحين خصوصا ان صار عندها مواد زيادة ، افكر اتقاسم التدريس مع مهند بس مااعرف ايش المواد اللي اعطيه اياها و هل راح يقدر يلتزم و يوفق بين سغله و بينها و هل حيكون في المزاج:)
تعليقات
إرسال تعليق