انتظار
الفترة هاذي غير واضحة المعالم آبدا بالنسبة لي ، أمر بتغييرات مفصلية في حياتي و البداية غير واضجة لحد الحين .
كل اللي اقدر اسويه اني امرر اليوم بأقل الخساير المزاجية ، سويت لي لسته بملاحظات الجوال للاأشياء اللي تغير مزاجي للافضل و اللي اقدر عليه اسويه .
حاولت اتصالح مع مشاعر الانتظار و في الحقيقة وحدة من اكثر المشاعراهمالا هي مشاعر الانتظار و حتى لو كان الشي اللي تنتظره كويس اجمالا و لكن الخوف من فقدانه مثلا يزيد سوء الانتظار.
الشيء الوحيد المطمئن في الانتظار هو انك توكل امرك لله و انك تؤمن و تحفز تسليم أمرك لله .
ودي احذف السناب شات تماما خصوصا لو انتقلنا للعيش في الرياض و أيضا اخفف تدفق المعلومات اللي يصير و كمان اقلل استخدام الانستقرام ، في هذه الأثناء آركز على الكتب اللي عندي ودي اخلص المجموعة اللي عندي بنهاية السنة .
ابى اخلص كتاب خراب الأمل مترجم و السعي نحو المكانة ، متشابهين نوعا ما أو على الأقل كلهم يتكلمون عن النفس البشرية .
كمان نفسي اكمل حلقة جديدة من البودكاست .
لما احس بالملل اكثر علاج فعال هو تجربة طبخة جديدة أو أي تجربة جديدة ، اف؛ر لاحقا اسوي لي شهر من التغييرات الصادمة و اعرف ان التغيير الجذري صعب و ممكن يسوي نتيجة عكسية لكن احتاج روتين جديد و هادي.
تعليقات
إرسال تعليق