٤٩ و كيف ممكن تأثر البلاي ليست اللي تسمعها على نفسيتك ؟

لا تقلل أبدا من قيمة البلاي ليست حقك ! أبداً

قضيت اسبوع نوعا ما كئيب و مصحوب بالغلقة و بدون سبب واضح و لاحظت كل مااشغل الساوند كلاود تزيد ، و انتبهت ان في كلمات أغنية تدور ببالي كل شوي ، تقول " انا اللي اعتذر لي كيف حبيتك و كيف ارخصت نفسي " و كلام مؤثر على هذا النمط. و فعلا الكلمات مؤثرة و لكن لقت في نفسي كثير من الناس اللي انا مخذولة منهم و اللي حاولت كثيرا اني اتخبى من هاذي الحقيقة ، و لهذا قررت ارحع اخفف من السوشل ميديا اقين و انتبه للبلاي ليست حقي و اللي ما تتعدى ابو نورة و اللي بطبيعة الحال كلها غزل و حاجات مريحة نفسيا :)

الأسبوع الماضي تابعت الجوكر  و كلي حماس للفيلم حاصد الجوائز ، شفته عن طريق ابل تي في ، و لكن ماارضى حماسي أبدا و اعتقد ان السبب اني كنت مستعدة نفسيا اني مااتعاطف معاه ابدا و نجحت و لهذا لازم ننتبه لكل شي نشوفه و نسمعه و نقراه ، ممكن مسلسل أو كتاب يخليك جدا حزين ، اذكر واحد من كتب بثينة العيسى و اظنه عائشة في العالم السفلي قراته قبل سبع سنوات و كان كتاب يبعث على البكاء و الهلوسة .

طبيعي التجربة راح تحطنا في مواقف زي كيذا مجددا ، فلازم نتنبه لسبب الحزن و الضيقة و على الأقل نعرف المسبب .

من أجمل أيام السنة اللي قضيتها بالرياض الشهر الماضي و كان السبب اني اخترت اكون فرحانه جدا و اختار الف سبب للفرح و اقدم الفرح على كل شي ، صحيح اني صرفت أكثر من الميزانية المعتمدة ، اقصد صرفت الضعف لكن كانت تسوى و لكن أيضا ابي اذكر نفسي اني مااعيد هذا الخطأ بالتحديد.

و الحياة أقصر من أن نقضيها حزن .على الأقل نعرف سبب الحزن .

الحين بحاول اتجهز للجامعة ، و اودي ايلاف الحضانة و نفسي كمان اسوي يوقا ،اتوقع يمدي ، قدامي ساعة و نص يمكن :)