قاربت على إنجاز الهدف .
هدفي الوحيد لنهاية هذه السنة هو إني انام نوم متواصل بدون منوم أو أي دواء و اعتقد ان النوم المثالي بيكون بعد مااتخلص من التوتر عشان كيذا اعتبرته هدف واحد ، التخلص من التوتر و الأرق .
ماعندي تقنيات عظيمة لكيف تخلصت من التوتر ، كل اللي سويته اني تركت شغلي في مجال التجميل أو بمعنى اخر استقلت تماما من أي شي له علاقة بالتجميل ، تعريفي الحالي لنفسي يذكرني بتعريف مدمن مخدرات سابق أو عميل استخبارات سابق ترك وظيفته السابقة و صار يسب فيها و الصحف تسوي معاه لقاءت باعتباره راح يكشف الأحداث و باعتباره "شهد شاهد من أهلها "!
بشكل تدريجي زاد عمق النوم و مدته ، بالبداية كنت انام الساعة ١ و اقوم الفجر و ارجع انام الظهر ثلاث ساعات .
حاليا انام الليل بشكل طبيعي جدا و حتى لو صحيت من النوم اقدر ارجع انام بسهولة اللهم لك الحمد و العجيب اني صرت افوت المنبه ، شكيت ان صوته منخفض بس طلع شكي خاطئ.
اهتمامي بعاداتي اليومية خف كثير ، لكن بمجرد مااحس بالملل علطول اراجعها و اشوف ايش اقدر اسويه.
شويه متصالحة مع نفسي من جهة هالقرار، لأني و لما قررت اني اخف على نفسي و اكون لطيفة معاها فكرت ان هالعادات اليومية هي عشان ازيد سعادتي و ازيد حبي لنفسي و للحياة فماابغا ازعل على نفسي بسببها .
الاسبوع الماضي سويت اليوقا يمكن بس ثلاث مرات و امس كنت بكلاس الاريل او الفلاي يوقا و احس كنت متحمسة و متشجعة اكثر من المرة الماضية .
المورنينق بيجز سويتها مرة وحدة ، و ماقريت الا كم مقال عن الدراسة و بس .
سويت كروسان مرتين بالاسبوع الماضي .
هذا الاسبوع هو ماقبل الاختبارات الفاينل عندي و عند بنتي ، فأبغى اشد على نفسي شوي بهالنقطة ، و كمان ابى اركز على اكلي لأني فليتها و فليتها حقيقي الأيام الماضية .
تعليقات
إرسال تعليق