مابعد العيد
اليوم عشرة شوال .
الأربعة أيام الفايتة كانت أيام روتينية لذيذة و أنا أفضل الروتين كثيير ، الروتين يخليني أحس بالساعة البيولوجية للنوم و الأكل و اليوقا و القراءة و الشغل و دور الأم .
كنت أصحى الصبح حول التسعة و أنام على الساعة ١٢ قبلها أو بعدها ، و يعتبر تطور عظيم بتوقيت النوم عندي ، و أعتقد لإني خففت من اهتمامي بالشغل ، فعلا الاون بيزنس أو الشغل الحر صعب إدارته صعب لإنه حلالك و لأنك توقف على كل صغيرة و كبيرة و أحس شغلي أصغر من إني استعين بمساعد و كمان لازم مااضيع التوجه حقي خصوصا نع السوشل ميديا اللي تحط منافسينك قدامك و تكون المقارنة سهلة جدا جدا ، فدايم لازم انتيه اني مااطيح نفسي في هذا الفخ .
قمت اليوم على حس بناتي في غرفتهم و لقيتهم يسوون مسابقة بين دمية النمر و الباندا نفس المسابقة اللي كانت بمسلسل فريندز حلقة بيرثداي إيما .
اليوم عندي رحلة بيزنس للرياض و يمكن امددها عشان اجلس مع أهلي اللي ماشفتهم بالعيد و يمكن ارجع اكمل الكورس الصيفي اللي اخذته .
أمس كانت أول تجربة حقيقية لتعليم السواقة مع مهند :) انتبهت ان السيارة مرة حساسة و تعلمت كيف اثبت رجلي و المرايات و اللزي منه ، الطريف إن عندي سيارة و مااعرف أسوق :)
أمس سويت يوقا و الحين ان شالله بسوي كمان عشان نحافظ على مستوى الروقان و الصحة النفسية .
تعليقات
إرسال تعليق