اليوم الأول
من المفترض ان هاذي الأيام هي اكثر الأيام حماسة في حياتي لأسباب عديدة.
و من المفترض اني اوثقها بحماس أيضا .
اليوم صحيت و انا قلبي على امي ، لأن فجأة ارتفعت و نتيجة covid19 سلبية و عادة الحرارة ماتجي من فراغ .
و جهزت فطور ايلاف للروضة و نقت اللبس اللي تبغاه و بالمناسبة إيلاف عندها صفة سيئة جدا في انتقاء الملابس و هي انها تحب تكرر ملابس معينة تحبها و ترتاح لها و ملابس ماتلبسه ابدا فيصير الموضوع شوي صعب لأن مايجي ببال احد ان طفل بعمر الست سنوات يختار ملابسه بنفسه كل يوم ،و لو فرضت رأي عليها ممكن تقلب الصباح كله صياح و ماتوقف أبدا أبدا رغم انها طفلة رضية عادة باستثناء الملابس.
و كلمت ابوي في هذه الأثناء عشان اتطمن على أمي لأني ماحب الواتس اب و الرسايل ماتبرد قلبي خصوصا لو ابى اتطمن على احد و لأني ساكنة في مدينة بعيدة عن اهلي فغالبا يخبون علي قصص كثيرة و لازم اقفلهم باتصال لان الصوت دايما يفضح المشاعر .
و بعد ما راحت المدرسة و كنت صاحية من ٣ قبل الفجر و انا اوريبي نمت ثلاث ساعات فقط لكن قلت اخذ بريك و جلست اتفرج على فريندز نص حلقة و اكلت ورق عنب سويناه اليوم اللي قبل .
و نمت إلى ١١ ، قمت فجأة تذكرت ان ابوي قالي انه موعد دوا امي و جلست ادعي لها و طار النوم ، قمت سويت بسبوسة و رتبت البيت بشكل بسيط و تكلمنا انا و شادن .
باقي اليوم نوم و اكل و مذاكرة و اخر اليوم طلعت نتيجة أمي ان عندها التهاب و وصفوا لها ادوية معينة و الحمدلله خف القلق لما عرفت السبب .
حاولت انام و قلت اقوم اكمل الاسايمنتات اللي عندي ، لان باقي اسبوعين على التسليم و الوضع ضغط .
تعليقات
إرسال تعليق