ما أفسدته في عشرينات عمري.

دائما المبالغة في الشي و طلب الكمال يقتل حماسي لهواياتي.

أحس و كأن الرغبة الملحة اللي كانت عندي في الكتابة بدأت تخف
ابى اكتب اكثر و اشوف افلام تفر راسي و تحمس و اقرا كتب اكثر و اتعلم حمص القهوة و امارس اليوقا بشكل احترافي اكثر
ابى احب اكثر
ابى اسمع لبناتي اكثر خصوصا شادن
ابغى القى طريقة بدون ما تتدلل علي و اصير اسولف معاها
رعايتها للقط اثرت عليها بشكل ايجابي

كأن اليوم يمر بهدوء اكثر من المطلوب ، اليوم بالذات نويت اكمل قضاء صيام رمضان و بكره اخر يوم ، ودي بعدها ابدأ التزم بالنوم و مواعيد النوم و الاكل و كمان احتاج اذاكر اكثر

لو اصحى اربع و نص راح يكون شي خخورافي و راح اقدر اخلص نص شغلي و بعد ما تروح شادن اذاكر و الصباح كله للمذاكرة و لو في حلقة حلقتين ترفيه .

الظهر كالعادة شغل البيت و العصر مذاكرة شادن ،
المغرب و العشا سوالف و قرايه بيكون افضل

من زمان ما حطيت الهيدفون او الاير بود زي ما صار اسمها بعد ابل و جالسه استمتع و من زمان ايضا عن هذا الجو.
مؤخرا كأني اعاقب نفسي احس اني طايره عن نفسي و بدون تواصل معاها ، مااعرف كيف هذا الاحساس يصير بس يحدث الان بشكل حاد .

اتحسف على ضياع الوقت بهذا الشكل ، و في نفس الوقت سعيدة اني بدأت اسيطر على الأرق و القلق كثير ، بدأ يتكرر عندي  موضوع احط راسي و انام ، كمان سعيدة بمستوى الراحة و الهدوء اللي يمر علي،

عندي شغل و برزنتيشن كثير و ماادري ليه مو مهتمه و جالسة أأجل بشكل غير منطقي ، اختباراتي اخر الشهر و انا مفوتة كثير ،
وزني يزيد بشكل مرعب كل شهر حول الكيلو و احس هضمي سيء جدا و اكتشفت ان نقص الحديد رجع لي و احس بزيادة معدل نبض القلب و احس بكتمة اوقات كثيرة و تعب .

و بما انه لا احد يقرأ لي حاليا على الأقل ، راح اسمح لي اكون بهاذي العشوائية و راح اكتب بدون قيود و بدون مااتخيل الشكل النهائي و فعلا هاذي المدونة راح تكون كتابتها عشوائية و في حال قررت انشر كتاباتي راح انشر بطريقة مرتبة اكثر و راح اراعي مشاعر القارئ لكن مو هنا .
اشتريت كتاب لبثينة العيسى اسمه الحقيقة و الكتابة و ناوية اقراه قريب في محاولاتي لاصلاح ماافسدته العشرينيات في هواياتي .

قضيت كثير وقت و انا اخاف اتعلم الكتابة بشكل تسلسلي او تعلم القهوة و حتى الرسم و اليوقا و هاذي السنة راح تكون فاصلة و راح اتعلم و هاذي السنة راح تكون بإذن الله تعلم الهوايات من جديد .